Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 22/10 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 22/10 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 22/10 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Wahamiaji wahamishwa kutoka Libya: Rwanda yakaribishwa kwa hatua yake

media Wahamiaji katika kituo wanakozuiliwa nchini Libya, Desemba 2, 2017. ©Abdullah DOMA/AFP

Hivi karibuni Serikali ya Rwanda, Shirika la Kuhudumia wakimbizi la Umoja wa Mataifa, UNHCR na Muungano wa Afrika, AU walitia saini makubaliano ya kuanza mchakato wa kuhamisha wakimbizi kutoka Libya.

Watu mia tano watahamishwa kutoka Libya kwenda Rwanda "katika wiki chache zijazo," Hope Tumukunde Gasatura, Mwakilishi wa Kudumu wa Rwanda katika Umoja wa Afrika AU amebaini katika mkutano na waandishi wa habari mjini Addis Ababa nchini Ethiopia.

Rwanda imewapa hifadhi ya ukimbizi raia 150,000 kutoka DRC na Burundi waliotoroka makaazi yao kutokana na kudorora kwa usalama katika maeneo wanakoishi.

"Kundi la kwanza lenye watu 500, kutoka pembe ya Afrika, wataondolewa, wakiwemo watoto na vijana walio hatarini,'' taarifa ya pamoja imeeleza.

Ndege za kuwasafirisha kwa wale walio tayari kwenda Rwanda zinatarajia kuanza safari majuma kadhaa yajayo, ilieleza taarifa hiyo.

Rwanda ilitangaza kutoa hifadhi kwa wahamiaji mwezi Novemba mwaka 2017 baada ya chombo cha habari cha CNN kuonesha video ikiwaonesha wanaume wakipigwa mnada kuuzwa kama wafanyakazi wa mashamba nchini Libya.

Maelfu ya wahamiaji wanaelekea nchini Libya kila mwaka wakijaribu kufanya safari ya hatari kupitia bahari ya Mediterranea kuelekea barani Ulaya- wale wanaoshindwa hukamatwa na mamlaka na kuishia kushikiliwa kwenye vituo.

Kwa mujibu wa taarifa hiyo ya pamoja, takriban watu 4,700 wanakadiriwa kushikiliwa kwenye maeneo yenye hali mbaya ndani ya vituo hivyo.

Camille Le Coz kutoka taasisi ya sera za uhamiaji, think tank Migration Policy, ameiambia RFI kwamba "Mpango kama huo upo baina ya EU na Niger, ambapo wahamiaji kutoka Libya wanahifadhiwa wakati wakisubiri ruhusa ya kuingia Ulaya."

Kuhusu mada hiyo hiyo
 
Samahani, mwunganisho na sava umeshindikana