Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 14/10 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 14/10 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 14/10 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Mgonjwa mwenye dalili za Ebola atibiwa Kenya

media Watalaam wa Ebola afro.who.int/photo

Mwanamke mmoja anatabiwa katika Hospitali ya Kaunti ya Kericho, Magharibi mwa Kenya baada ya kuonekana na dalili za ugonjwa hatari za Ebola.

Ripoti zinasema kuwa, mwanamke huyo alikuwa ametokea katika mpaka wa Kenya na Uganda wa Malaba na alikuwa mjini Kericho, kumsalimu mume wake.

Maafisa wa afya wanasema uchunguzi unaendelea kubaini iwapo kweli mwanamke huyo ameambukizwa na  utachukua kati ya saa 12 hadi  24 ili kubaini ukweli.

Tayari tahadhari imechukulikuwa katika hospitali hiyo ya rufaa mjini Kericho, kuhakikisha kuwa mgonjwa huyo hakutani na watu wengine, na aliokutana nao kufanyiwa uchunguzi.

“Mgonjwa huyo alikuja akilalamika kuumwa kichwa, alikuwa na homa kali, akiendesha na kukosa hamu ya kula chochote,” amesema mmoja wa maafisa wa afya.

Ugonjwa wa Ebola, umeendelea kusababisha maafa Mashariki mwa Jamhuri ya Kidemokrasia ya Congo ambapo kuanzia mwezi Agosti mwaka 2018, watu 1,400 wamefariki dunia na wengine zaidi ya 2,000 wakiambukizwa.

Wiki iliyopita, maambukizi ya Ebola yaliripotiwa katika Wilaya ya Kasese, Magharibi mwa Uganda baada ya mtoto mwenye umri wa miaka mitano aliyekuwa ametokea nchini DRC kupoteza maisha.

Kenya haijawahi kuripoti kisa hata kimoja  cha Ebola.

Kuhusu mada hiyo hiyo
 
Samahani, mwunganisho na sava umeshindikana