Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 15/12 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 15/12 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 15/12 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Wanyarwanda waadhimisha miaka 25 baada ya kutokea kwa mauaji ya kimbari

media Eneo la kumbukumbu la mauaji ya kimbari nchini Rwanda mwaka 1994 Jacques NKINZINGABO / AFP

Rwanda inaadhimisha kumbukumbu ya miaka 25, tangu kutokea kwa mauaji mabaya ya kimbari yaliyosababisha vifo vya watu 800,000 wengi wao wakiwa Watutsi.

Mauaji hayo ya mwaka 1994, yalichukua karibu siku 100 kabla ya kusitishwa na yanasalia kuwa mabaya zaidi katika historia ya nchi hiyo.

Rais Paul Kagame, anawaongoza  wananchi wa taifa hilo, kukumbuka wale wote waliopoteza maisha wakiwemo watoto zaidi ya 300, 000 kwa mujibu wa takwimu za Umoja wa Mataifa.

Imekuwa ni wiki inayofahamika kama Kwibuka, kuwakumbuka wote walioangamia, huku raia wa nchi hiyo wakiapa kuwa kilichotokea, hakitatokea tena.

Baadhi ya raia wa nchi hiyo waliokuwa wadogo wakati huo, wengi hao hawafahamu wapendwa wao walizikwa wapi na imekuwa ni wiki ngumu kwao kukumbuka kilichotokea.

Machafuko yalizuka Aprili tarehe 6 mwaka 1994, baada ya ndege iliyokuwa imembeba rais wa Rwanda Juvenal Habyarimana na mwenzake wa Burundi Cyprien Ntaryamira, wote wakiwa wa Kabila la Hutu, kuangushwa.

Muda mfupi baada ya ajali hiyo, walinzi wa rais walianza kuwauwa Watutsi.

Kundi la waasi la Rwandan Patriotic Front (RPF), ambalo lilikuwa na Watutsi wengi, waliwashtumu Wahutu wenye msimamo mkali ndani ya serikali kuiangusha ndege hiyo, huku serikali ikishtumu waasi wa RPF kuhusika.

Hadi sasa haijafahamika vema ni nani aliyehusika na tukio la kuiangusha ndege hiyo.

Hata hivyo, nchi ya Rwanda, imekuwa ikiishtumu Ufaransa kwa kuhusika pakubwa katika upangaji wa mauaji hayo, madai ambayo imeendelea kukanusha.

 

Kuhusu mada hiyo hiyo
 
Samahani, mwunganisho na sava umeshindikana