Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 16/11 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 16/11 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 16/11 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Mazungumzo baina ya Warundi: Serikali ya Burundi yaendelea kusubiriwa Arusha

media Rais wa Burundi Pierre Nkurunziza akilindwa na askari wake wakati wa sherehe za uhuru wa Burundi. Onesphore Nibigira/AFP

Kikao cha tano na cha mwisho cha mazungumzo baina ya Warundi kinatarajiwa kufunguliwa Alhamisi wiki hii mjini Arusha nchini Tanzania. Hata hivyo serikali ya Burundi inaendelea kusubiriwa kushiriki mazungumzo hayo baada ya shughuli za ufunguzi wa mazungumzo hayo zilizokuwa zifanyike siku ya Jumatao kulazimika kusogezwa mbele.

Licha ya ujumbe wa serikali ya Burundi kuchelewa kuwasili mjini Arusha, tayari wajumbe kutoka makundi mbalimbali ya upinzani yamewasili mjini Arusha.

Muungano wa vyama vya upinzani ulio uhamishoni CNARED umewasilishwa na kikosi kabambe kinachowajumuisha wanasiasa zaidi ya 5, ikiwa ni pamoja na Aliyekuwa kiongozi wa chama tawala CNDD-FDD na mbunge wa jumuiya ya Afrika Mashariki, Jeremie Ngendakumana, Leonard Nyangoma, Chauvineau Mugwengezo, Jeremie Minani, Pacrace Cimpaye...

Kwa upande wa muungano wa upinzani uliosalia nchini Amizero y'Abarudi, umewakilishwa na Agathon Rwansa, Pierre-Celestin Ndikumana.

Pia marais wa zamani wa Burundi Sylvetrse Ntibantunganya na Domitien Ndayizeye wamewasili mjini Arusha.

Serikali ya Burundi inasema haitaweza kushiriki katika mazungumzo hayo kwa kuwa nchi hiyo iko katika maombolezo ya mwezi mzima kuwakumbuka mashujaa wa taifa hilo kwa mujibu wa Evariste Ndayishimiye Katibu Mkuu wa chama tawala cha CNDD-FD.

Kwa upande wao muungano wa upinzani wa ndani ya Burundi, Amizero y'Abarundi, unaoongozwa na Agathon Rwassa, ukieleza kushangazwa na hatua ya Serikali, ukisema utawala unatafuta sababu ili kukwepa mazungumzo ya Arusha.

Mazungumzo ya haya yanatajwa kuwa huenda yalikuwa ni ya mwisho katika kuelekea kupata muafaka kuhusu maandalizi ya uchaguzi mkuu wa mwaka 2020.

Kutoshiriki kwa Serikali ya Burundi,  kunaelezwa kuwa ni pigo kubwa kwa mratibu wa mazungumzo rais wa zamani wa Tanzania, Benjamin Mkapa.

Kuhusu mada hiyo hiyo
 
Samahani, mwunganisho na sava umeshindikana