Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 20/10 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 20/10 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 19/10 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Polisi nchini Tanzania yaendelea kumtafuta Mfanyabiashara mashuhuri, Mohammed Dewji, aliyetekwa Jijini Dar es Salaam

media Mfanyabiashara mashuhuri nchini tanzania, Mohammed Dewji aliyetekwa Jijini Dar es Salaam forbes

Jeshi la Polisi kwa kushirikiana na vyombo vingine vya usalama nchini Tanzania vinaendelea na jitihada za kumtafuta Mfanyabiashara Mohammed Dewji maarufu kwa jina la Mo aliyetekwa na watu wasiofahamika.

Dewji ni tajiri kijana barani Afrika ambaye mbali na kumiliki kampuni mbalimbali chini ya kampuni mama ya Mohammed Entreprises Tanzanial Limited (MeTL), pia ni mwekezaji katika klabu maarufu nchini humo ya Simba, anamiliki asilimia 49 ya hisa.

Ripoti za mapema zimearifu kwamba Dewji 43 alitekwa katika hoteli moja Jijini dar es Salaam alikofika kwa ajili ya mazoezi alfajiri ya leo.

Tayari polisi ya Tanzania imeeleza kuwashikilia raia  wawili wa kigeni, ikiwatuhumu kuhusika na tukio hilo.

Vyanzo mbalimbali vya habari vimewanukuu mashuhuda wa kisa hicho wakisema watekaji walirusha risasi kadhaa hewani kabla ya kumchukua Dewji na kutokomea naye kusikojulikana.

Paul Makonda, Mkuu wa Mkoa wa Dar es Salaam katika taarifa nyingine ameambia waandishi wa habari kuwa serikali itahakikisha Dewji anapatikana akiwa hai na salama na wahusika wa tukio hilo wanakamatwa na kufikishwa katika vyombo vya sheria.

Aidha uongozi wa klabu ya Simba umetoa taarifa ya kuwataka mashabiki wake kuwa watulivu na kujiepusha na ripoti zinachopishwa mitandaoni na badala yake watoe nafasi kwa vyombo vya dola kufanya kazi yake.

Aidha wachezaji wa klabu ya Simba kupitia kurasa zao  za mitandao ya kijamii wamekuwa wakitoa ujumbe wa kumtakia kheri Dewji, wakiomba arejee salama.

Aidha makundi mbalimbali ya kijamii wakiwemo wanasiasa, wanaharakati na wananchi wa Tanzania kwa ujumla wao wamemiminika mitandaoni wakilaani hatua ya kutekwa kwa mfanyabiashara huyo na kuvitaka vyombo vya usalama kuhakikisha anapatikana akiwa hai.

Mohammed Dewji ni nani hasa?

Ni mfanyabiashara mashuhuri nchini Tanzania na Februari mwaka huu alitajwa na Jarida la Forbes kuwa na utajiri wa dola za Marekani bilioni 1.4.

Amewahi kushika nafasi za kisiasa ikiwemo kuwa Mbunge wa jimbo la Singida Mjini kutoka mwaka 2005 hadi 2015.

Kwa mujibu wa tovuti yake mfanyabiashara huyo anajihusisha na biashara ya kuagiza na kusafirisha bidhaa ndani na nje ya Tanzania, biashara ya vyakula, mazao, vinywaji, usindikaji nafaka n.k

Baadhi ya mataifa ya Afrika ambako kampuni zake hufanya kazi ni pamoja na Burundi, DRC,Sudani Kusini, Rwanda, Zambia,Uganda, Ethiopia, Kenya.

Kampuni ya MeTL ni mojawapo ya kampuni binafsi zilizoajiri maelfu ya watanzania.

 

 

 

Kuhusu mada hiyo hiyo
 
Samahani, mwunganisho na sava umeshindikana