Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 21/10 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 21/10 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 21/10 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Diane Rwigara na mama yake waachiliwa huru kwa dhamana Rwanda

media Mwanasiasa wa upinzani nchini Rwanda Diane Rwigara. REUTERS/Jean Bizimana

Mahakama ya Rwanda imeamuru kuachiliwa kwa mwanasiasa wa upinzani nchini humo Diane Rwigara, anayeonekana kama mwiba kwa utawala wa Rais Paul Kagame, baada ya kuzuiliwa yeye na mama yake kwa muda wa zaidi ya mwaka mmoja kwa kusubiri kesi yake.

Diane Rwigara, 37, anakabiliwa na madai ya kughushi stakabadhi katika kujaribu kuwania uchaguzi wa urais mnamo mwezi Agosti 2017 na kuchochoea uasi. Wakati huo alikamatwa yeye na mama yake.

Majaji watatu wamebaini kwamba upande wa mashtaka yalishindwa kutoa ushahidi wa kuaminika ili kuendelea kuwazuia watuhumiwa hao wawili na hivyo kuamuru kuachiliwa huru kwa dhamana.

Uamuzi huu umepokewa kwa vifijo na nderemo kutoka kwa jama na familia waliokuwepo mahakamani. Hata hivyo Diane Rwigara na mama yake wamepigwa marufuku kusafiri kwenda nje ya mji wa Kigali na wametakiwa kukabidhi pasipoti zao kwa mamlaka husika.

Kesi yao inatarajia kuanza tena mwezi Novemba. Kosa la kuchochea uasi linaadhibiwa kwa kifungo cha miaka 15. na kosa la kughushi stakabadhi linaadhibiwa kwa kifungo cha miaka 7.

Dada ya Diana, Anne Rwigara, ambaye alizuiliwa kwa muda mfupi na watuhumiwa hao mwaka jana na baadaye kuachiliwa kwa kukoesekana uchahidi, amekaribisha hatua hiyo. "Hawana hatia na tunajua kwamba mashtaka dhidi ya dada yangu na mama yangu ni ya uongo na kwamba mashitaka hayo yalitengenezwa kwa sababu za kisiasa".

Uamuzi huu pia umekaribishwa na viongozi wa upinzani nchini Rwanda, kama vile Victoire Ingabire, ambaye hivi karibuni alipata msamaha wa rais baada ya kutumikia miaka minne jela baada kuhukumiwa kufungwa jela miaka kumi na tano kwa kosa la uhaini na kupinga mauaji ya kimbari.

"Kukamatwa kwa Rwigara yalikuwa ni mambo ya kisiasa na ninafurahi kuwa yeye na mama yake walmeachiliwa huru (...) Ni ishara kwamba Rwanda inaanza kupiga hatua nzuri katika masuala ya kisiasa ", Victoire Ingabire ameliambia shirika la Habari la AFP.

Kuhusu mada hiyo hiyo
 
Samahani, mwunganisho na sava umeshindikana