Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 17/10 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 17/10 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 16/10 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Wabunge watumia nguvu kupitisha ushuru mpya wa mafuta Kenya

media Kisima cha mafuta Kaskazini Magharibi mwa Turkana, Kenya (Picha ya kumbukumbu). AFP/HO/Tullow Oil PLC

Wabunge nchini Kenya wamepitisha pendekezo la rais Uhuru Kenyatta kuongeza kodi ya asilimia nane kwa bidhaa za mafuta nchini humo kutoka asilimia 16.

Ilimlazimu Spika wa Bunge Justin Muturi na kiongozi wa walio wengi katika bunge hilo Aden Duale, kutumia nguvu kupitisha pendekezo hilo baada ya kuonekana kuwa wabunge wengi wa chama tawala na upinzani, walikuwa wamekataa pendekezo hilo ambalo litasabisha kupanda kwa gharama ya maisha.

Tarehe 1 Septemba ushuru tata wa asilimia 16 kwenye bidhaa ya mafuta ulianza kutumika. Ushuru huu ulisababisha bei ya mafuta ya gari kupanda, huku bei ya nauli ya usafiri na bei za baadhi ya bidhaa zikipanda mara dufu.

Kutokana na hali hiyo Wakenya wengi walipandwa na hasira. Rais Kenyatta ilimbidi apendekeza kupunguza 8% kwenye ushuru huo uliokuwa ulipitishwa.

Kabla ya ushuru huo kupitishwa kulikuwa na hali ya sintofahamu bungeni, huku baadhi ya wabunge wakiondoka nje na kususia kikao hicho cha bunge. Mashahidi wanasema baadhi ya wabunge walivunja utaratibu wa shughuli za bunge, huku wakipiga kelele "sifuri! sifuri! wakiomba ushuru huo kufutwa moja kwa moja.

Wabunge waliopinga ushuru huo walikuwa ni wenye hasira. Mmoja wao amezungumzia kikao hicho cha bunge kuwa ni cha "aibu" na ameahidi kufikisha malalamiko yao mahakamani. Mwingine ametishia kumtimua kwenye nafasi yake Spika wa bunge.

Kwa kushuru huu, serikali inatarajia kurejesha dola Milioni 170, ambazo ni mara mbili kama ushuru ungelikuwa umesalia kwenye 16%.

Kuhusu mada hiyo hiyo
 
Samahani, mwunganisho na sava umeshindikana