sikiliza tena
Mtazamo Wako Kwa Yaliyojiri Wiki Hii
Viongozi wa waandamanaji na wa kijeshi …
Luteni Jenerali Mohamed Hamdan Dagalo, mkuu wa baraza la kijeshi la Sudan katika Mkutano kwenye kijiji cha Aprag,tarehe juni 22 2019.
 
Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 17/07 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 17/07 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 16/07 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Bobi Wine kurejea Kampala

media Mwanamuziki maarufu na Mbunge Robert Kyagulanyi, anayefahamoka kwa jina la Bobi Wine, katika mkutano na waandishi wa habari na wakili wake huko Washington, DC, Septemba 6, 2018. © AFP

Mbunge wa upinzani aliyechaguliwa katika eneo la Kyandodo Mashariki mwa Uganda, na mwanamuziki maarufu Robert Kyagulanyi, anayefahamika kwa jina la Bobi Wine ameyaambia magazeti ya Mail na Guardian kuwa yuko tayari kurudi nchini Uganda siku ya Jumatatu.

Mwanasiasa huyo ambaye pia ni mwanamuziki maarufu nchini Uganda kwa sasa yupo Marekani anapopatiwa matibabu baada ya kupigwa na maafisa wa usalama wa Uganda amesema licha ya hofu ya kukamatwa na kufanyiwa madhila mengine ameamua kurudi nyumbani kutetea wanyonge.

“Punde tu madaktari wangu wataniruhusu nitatarudi Uganda kuendelea na harakati za kisiasa” amesema Bw Kyagulanyi.

Robert Kyagulanyi, ambaye amekua mwiba kwa utawala wa Yoweri Museveni amesema hali yake inaendelea vizuri na anatamani kukutana na wafuasi wake.

Robert Kyagulanyi alichaguliwa kuwa mbunge katika uchaguzi mdogo baada ya kusimama kama mgombea huru mwaka uliyopita wilayani Kyadondo mashariki, mwa Uganda.

Bobi Wine na wenziwe 32 walikamatwa baada ya kudaiwa kushambulia msafara wa Rais wa Yoweri Museveni mjini Arua mwezi uliopita na kuwekwa katika kizuizi cha jeshi.

Mwanzo alipandishwa katika mahakama ya kijeshi kabla ya kuhamishiwa kwenye mahakama ya kiraia na kushtakiwa kwa kosa la uhaini.

Kuhusu mada hiyo hiyo
 
Samahani, mwunganisho na sava umeshindikana