Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 25/09 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 24/09 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 24/09 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Uhuru Kenyatta kukutana na Donald Trump White House

media Rais wa Kenya Uhuru Kenyatta atapokelewa katika White House na mwenyeji wake rais wa Marekani Donald Trump. REUTERS/Thomas Mukoya

Rais wa Kenya Uhuru Kenyatta anatarajia kukutana Jumatatu hii Agosti 27 na mwenyeji wake rais wa Marekani Donald Trump kwenye ikulu ya White House.

Rais Kenyatta aliwasili tangu Jumamosi, Agosti 25 mjini Washington kwa ziara ya siku nne nchini Marekani kwa mwaliko wa Donald Trump. Huu ni mkutano wa kwanza kati ya rais wa Kenyana mwenyeji wake rais wa Marekani Donald Trump. Hii ni mara ya pili rais wa Marekani Donald Trump kumualika kiongozi kutoka Afrika, baada ya Muhammadu Buhari wa Nigeria mwezi Aprili 2018. Rais Kenyata na mwenyeji wake watajadili kuhusu ushirikiano wa kikanda na masuala ya usalama, lakini pia biashara na uwekezaji.

Wakati wa mkutano wao Jumatatu wiki hii katika ikulu ya White House, Uhuru Kenyatta na Donald Trump watajadili kuhusu masuala ya usalama, ikiwa ni pamoja na mchakato wa amani nchini Sudan Kusini, wakati ambapo mazungumzo yanaendelea huko Khartoum kati ya serikali na waasi chini ya upatanishi wa Jumuiya ya Maendeleo ya nchi za Afrika Mashariki (IGAD).

Lakini pia wawaili hao watajadili kuhusu vita dhidi ya ugaidi. Kenya ni mshirika wa karibu wa Marekani katika vita dhidi ya kundi la al-Shabab lenye mafungamano na al-Qaeda nchini Somalia. Lakini tangu uchaguzi wa Donald Trump, Marekani imeongeza uwepo wake nchini Kenya na mashambulizi ya angani dhidi ya kundi hili la wanamgambo wa Kiislam.

Mikataba ya kiuchumi

Kwa mujibu wa Njeru Githae, balozi wa Kenya huko Washington, mkutano huo kwanza kabisa una malengo ya kiuchumi. "Rasimu kadhaa za mikataba zinaendelea kuzungumziwa na tuna imani kuwa itasainiwa," amesema.

Kenya inataka kuongeza mauzo yake nchini Marekani kupitia taasisi ya AGOA, sheria juu ya ukuaji na maendeleo katika Afrika, na hata kuanza majadiliano juu ya mikataba ya baada ya AGOA ili kuwezesha upatikanaji wa Soko la Marekani kwa bidhaa za Kenya.

Uhuru Kenyatta pia anataka kuwatolea wito wafanyabiashara wa kubwa wa Marekani kuwekeza nchini Kenya. Atakutana na wawakilishi wa wabiashara Jumatatu hii asubuhi. Fursa kwa rais wa Kenya kutafuta msaada na ufadhili kwa maendeleo ya sekta ya viwanda nchini Kenya, mojawapo ya nguzo nne za mpango wake kwa nchi.

♦ Nchi mbili zenye uhusiano wa karibu

"Mkutano huu utasisitiza uhusiano kati ya Marekani na Kenya kama washirika katika kusimamia amani na utulivu barani Afrika na eneo la Pacific," ikulu ya White House imebaini katika taaria yake.

Kuhusu mada hiyo hiyo
 
Samahani, mwunganisho na sava umeshindikana