Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 20/09 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 20/09 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 19/09 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Mahakama ya EAC yaruhusu gazeti la Mseto kuendelea na kazi yake

media Mtu huyu akisoma gazeti la Tanzania huko Arusha, Tanzania, Machi 23, 2017. © AFP

Mahakama ya Jumuiya ya Afrika Mashariki imefuta uamuzi wa kufungwa kwa gazeti la kila wiki la Mseto nchini Tanzania, ambalo lilikua limepigwa marufuku kuchapisha habari yoyote kwa muda wa miaka mitatu tangu Agosti 11, 2016.

Gazeti la kila wiki la Mseto lilifungiwa kwa miaka mitatu tarehe 11 Agosti 2016 kwa kosa la "kuchapisha habari za uongo na kuchochea machafuko" baada ya kuchapisha makala inayosema kuwa mshirika wa karibu wa Rais John Pombe Magufuli alikubali kupokea hongo kwa kufadhili kampeni ya rais huyo katika uchaguzi wa mwaka 2015.

Katika uamuzi wake, Mahakama ilibaini kwamba serikali ya Tanzania "haikuonyesha jinsi makala hayo yaliyochapishwa na gazeti la Mseto yalikiukwa maslahi ya umma au kuhatarisha amani na usalama wa raia," kulingana na taarifa iliyotumwa siku ya Alhamisi usiku kwa vyombo vya habari.

Majaji walihitimisha kuwa uamuzi wa kufungwa kwa gazeti hilo uliochukuliwa na wizara ya habari ya Tanzania ulichukuliwa "kwa ukiukwaji mkubwa wa uhuru wa kujieleza," na kuamuru gazeti la Mseto "kuendelea na kazi yake".

Tangu Rais John Magufuli alipochukua hatamu ya uongozi mwishoni mwa mwaka 2015, magazeti kadhaa yamefungwa. Sheria zinazoonekana kama pingamizi kwa uhuru wa kujieleza pia zimepitishwa licha ya maandamano kutoka kwa mashirika ya haki za binadamu.

Tanzania inachukua nafasi ya 93 kwa jumla ya nchi 180, kwenye orodha iliyotolewa mwaka huu 2018 na shirika la Waandishi Wasiokuwa na Mipaka (RSF) (RSF) kuhusu uhuru wa vyombo vya habari. Tanzania imerudi nyuma nafasi 10 ikilinganishwa na mwaka uliopita.

Kuhusu mada hiyo hiyo
 
Samahani, mwunganisho na sava umeshindikana