Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 11/12 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 11/12 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 11/12 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Rais wa Rwanda Paul Kagame azuru Ufaransa

media Rais wa Rwanda Paul Kagame katika Mkutano wa kimataifa wa Afya Geneva Mei 21, 2018. Fabrice COFFRINI / AFP

Rais wa Rwanda Paul Kagame anafanya ziara ya siku mbili nchini Ufaransa. Rais wa Rwanda atashiriki siku ya Alhamisi wiki hii katika maonyesho ya Viva Technologies, maonyesho ya kimataifa kuhusu masuala ya kidijitali.

Kabla ya hapo, atakaribishwa Jumatano wiki hii katika Ikulu ya Elysee, kwanza kwa chakula cha mchana na wadau wa mkutano huo, kisha kwa mazungumzo na mwenyeji wake Emmanuel Macron. Emmanuel Macron na Paul Kagame watafanya mkutano wa pamoja na waandishi wa habari. Ishara kwamba joto linaendelea kuongezeka kati ya Paris na Kigali, wakati ambapo uhusiano kati ya nchi hizi mbili ulikua si mzuri tangu miaka ya 1994.

Ziara ya rais Paul Kagame nchini Ufaransa inakuja ikiwa ni miaka mitatu toka azuru nchi hiyo ya Ulaya ambayo Rwanda imekua ikiishtmu kusaidia chama cha MRND cha hayati rais wa Rwanda Juvenal Habyarimana na wanamgambo wa kihutu wa Interahamwe wakati wa mauaji ya kimbari dhidi ya Watutsi na Wahutu wenye msimamo wa wastani.

Maonyesho ya Viva Technologies kwa mwaka huu yameelekezwa Afrika, na ujio wa Rais wa Rwanda ulikuwa unatarajiwa kabisa, chanzo kutoka Elysee kimebaini. Paul Kagame ni mmoja wa viongozi wa uvumbuzi katika bara la Afrika, chanzo kimeongeza.

Katika muktadha huu, Rais Kagame atakula chakula cha mchana na wadau kadhaa wanaoongoza katika masuala ya kidijitali, ikiwa ni pamoja na Mark Zuckerberg, Mkuu wa mtandao wa Facebook, kabla ya kutembea kesho na Emmanuel Macron katikamaonyesho hayo kuhusu dijitali.

Lakini sio maswali tu ya uvumbuzi ambayo yalimfanya Paul Kagame kuzuru Ufaransa. Rais Paul Kagame amefanya safari ya kukutana na mwenzake wa Ufaransa leo mchana. Mazungumzo kati ya wawili hawa yatafanyika katika ikulu ya Elysee ambako rais wa Rwanda hajafika tangu mwezi Septemba 2011.

Umoja wa Afrika kwenye ajenda ya mazungumzo

Emmanuel Macron na Paul Kagame wanatarajia kuzungumzia juu ya Umoja wa Afrika ambapo Paul Kagame ni rais wa taasisi hiyo tangu mwezi Januari mwaka huu. Kwa hiyo, rais Kagame amekuja na masuala mawili ya mageuzi kuhusu ufadhili wa shughuli za kulinda amani na kuhusu Umoja wa Afrika.

Suala jingine ambalo litajadiliwa na wawili hao ni kuwania kwa Louise Mushikiwabo, Waziri wa Mambo ya Nje wa Rwanda, kwenye nafasi ya mkuu wa Jumuiya ya Nchi zinazozungumza Lugha ya Kifaransa "Francophonie" (OIF).

Kuhusu mada hiyo hiyo
 
Samahani, mwunganisho na sava umeshindikana