Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 16/10 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 16/10 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 15/10 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Satelaiti iliyotengenezwa Kenya kurushwa anga za juu Ijumaa hii

media Mawasiliano halisi ya kimataifa ya kiasi kikubwa yanayowezeshwa na satellite ya Micius. Phys.org

Kenya imetengeneza Satelaiti yake ya kwanza kabisa ambayo imepangiwa kurushwa anga za juu leo Ijumaa. Kwenye satelaiti hiyo zimebandikwa kamera mbili pamoja na vyombo vya kunasa na kupeperusha sauti.

Uzinduzi wa satelaiti hiyo unatarajiwa kutoa usaidizi katika kukusanya taarifa zitakazosaidia katika kilimo na usalama, kutabiri hali ya hewa na hata kukabiliana na majanga.

Wahandisi kutoka Chuo Kikuu cha Nairobi wakisaidiwa na maafisa kutoka shirika la anga za juu la Japan walitengeneza chombo hicho katika mradi uliogharimu zaidi ya dola milioni moja.

Satelaiti hiyo itatumika kuchunguza mienendo ya kilimo, pamoja na kuchunguza maeneo ya pwani ya taifa hilo.

Wahadhiri wa vyuo vikuu wanasema satelaiti hiyo inaweza kutoa huduma tofuati ikiwemo kukusanya taarifa zitakazosaidia katika kilimo na usalama, kutabiri hali ya hewa na hata kukabiliana na majanga.

Kenya kwa sasa inakabiliwa na janga la mafuriko ambalo limesababisha maafa makubwa.

Japan ilitoa ufadhili na jukwaa la kuitengenezea lakini Wakenya wenyewe ndio waliitengeneza.

Satelaiti hiyo itatumwa hadi Kituo cha Kimataifa cha Anga za Juu (ISS) na kuanza kuizunguka dunia kwa mwezi mmoja baadae.

Hatua hii itaifanya Kenya kuwa miongoni mwa mataifa mengine saba barani Afrika yaliyo na satilaiti zinazoizunguka dunia.

Mataifa hayo ni Misri, Afrika Kusini, Morocco, Algeria, Nigeria, Mauritius na Ghana.

Kwa mujibu wa chanzo cha serikali, Kenya itaanza kushughulika kuunda satelaiti kubwa na bora zaidi iwapo uzinduzi wa leo utafanikiwa.

Uzinduzi wa satelaiti hiyo leo unatokana na ushirikiano kati ya Idara ya Uhandisi katika Chuo Kikuu cha Nairobi, afisi ya masuala ya anga za juu ya Umoja wa Mataifa, na Shirika la utafiti wa anga za juu la Japan.

Kuhusu mada hiyo hiyo
 
Samahani, mwunganisho na sava umeshindikana