Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 17/10 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 17/10 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 16/10 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Mwanaharakati wa haki za binadamu ahukumiwa miaka 32 jela Burundi

media Jengo la mahakama, Bujumbura Burundi. Photo AFP/Esdras Ndikumana

Mahakama nchini Burundi imemuhukumu mwanaharati Germain Rukuki kifungo cha miaka 32 jela baada ya kukutwa na hatia ya kushiriki katika maandamano dhidi ya rais wa nchi hiyo Pierre Nkurunziza wakati akiwania muhula wa tatu.

Germain Rukuki anatuhumiwa kushiriki katika vuguvugu lililojaribu mapinduzi ya kijeshi na utekelezwaji wa mauaji ya askari polisi Mei 13 mwaka 2015, tarehe ambayo kundi la wanajeshi waliojaribu bila mafaanikio kumpindua rais Nkurunziza.

Mnamo mwezi Februari mwaka huu wanasheria wa Germain Rukuki, mwanaharakati wa haki za binadamu nchini Burundi, waliomba kuahirishwa kwa kesi ya mteja wao inayosubiriwa na watu wengi nchini humo.

Alifungwa tangu Julai 13, 2017, akishutumiwa "kujaribu kuhatarisha usalama wa nchi " na "uasi" kwa kushirikiana na shirika la haki za binadamu la Acat-Burundi, ambalo lilipigwa marufuku nchini Burundi kama mashirika mengi ya haki za binadamu nchini humo.

Mwendesha mashitaka aliongeza makosa mapya katika kesi hiyo - mauaji, uharibifu wa mali ya umma, jaribio la kupindua utawala uliochaguliwa kidemokrasia, makosa ambayo upande wa utetezi haukuweza kufahamishwa. Hali hiyo ilipelekea wanasheria wa mwanaharakati huyo kuomba kesi inayomkabili mteja wao iahirishwe.

Kiongozi wa Acat-Burundi, Armel Niyongere, amesema anashangazwa na kesi ya mfanyakazi wake. Amebaini kwamba serikalini inaamini kwamba wanaharakati wa haki za binadamu waliosalia nchini wamekua wakitoa taarifa kwa wenzao walio uhamishoni.

Shirika la kimataifa la haki za binadamu la Amnesty International linabaini kwamba kesi inayomkabiliwa Bw Rukuki na ile inayowakabili wenzake wanne au wanaharakati wa zamani waliofuatiliwa katika kesi zingine inaonyesha utayari wa serikali ya Bujumbura kukandamiza anayethubutu kuikosoa.

Kuhusu mada hiyo hiyo
 
Samahani, mwunganisho na sava umeshindikana