Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 18/12 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 18/12 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 18/12 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Mbunge wa Uganda aliyetaka wanawake kupewa adhabu ya kupigwa aomba radhi

media Mbunge wa Uganda Onesmus Twinamasiko aliyewahimiza wanaume kuwapiga wake zao kama njia ya kuwafunza nidhamu twitter.com/ntvuganda

Mbunge nchini Uganda Onesmus Twinamasiko, ameomba radhi baada ya hivi karibuni kutoa kauli tata ya kuwahimiza wanaume kuwapiga wake zao kama njia ya kuwafunza nidhamu.

Kauli ya mbunge huyo, iliyoshtumiwa vikali na makundi ya wanaharakati wa wanawake na watetezi wa haki za binadamu, waliomtaka kuomba radhi.

Mbunge huyo ameliandikia barua bunge na kusema kuwa naomba radhi kwa matamshi hayo na kusisitiza kuwa haungi mkono kupigwa kwa wanawake.

“Naomba mkubali na mnisamehe kwa matamshi niliyoyatoa, yaliyowakera wananchi wa Uganda na hasa wanawake,” aliandika Twinamasiko katika barua yake.

Twinamasiko alinukuliwa wakati akihojiwa na kituo cha Televisheni NTV, aliposema  mwanamume ni lazima ampe nidhamu mkewe kwa kumpiga kidogo.

“Kama mwanamume unahitaji kumpa adhabu mke wako, mpige kidogo, mwangushe kama njia ya kumyoosha " kauli tata aliyotoa wakati wa siku ya Kimataifa ya wanawake duniani.

Hata hivyo, baadhi ya wabunge wamekataa kukubali ombi lake kwa kile wanachosema kuwa hakuwa mkweli na hakumaanisha alichokisema katika barua hiyo.

Ripoti ya serikali mwaka 2016 inaonesha kuwa mwanamke mmoja kati ya watano kati ya umri wa miaka 14 na 49 wanapigwa au kudhulumiwa kimapenzi nchini humo.

 
Samahani, mwunganisho na sava umeshindikana