Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 19/06 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 19/06 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 19/06 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Haraka
Kombe la Dunia 2018: Japani waibwagiza Colombia 2-1 na kuchukua nafasi ya kwanza katika kundi H
E.A.C

Ufaransa kusaidia kufadhili elimu ya Sayansi kwa wasichana barani Afrika

media Balozi wa Ufaransa nchini Tanzania Frederic Claivier akiwahotubia wanawake kutoka barani Afrika wakati wa mkutano wa kuhimiza umuhimu wa wanawake kujikita katika masuala ya sayansi jijini Dar es salaam Machi 08 2018 Emmanuel Makundi/Rfi Kiswahili

Wakati Dunia ikiadhimisha siku ya Mwanamke, barani Afrika bado idadi ya wasichana wanaojiunga na elimu ya juu imeendelea kuwa ndogo ukilinganisha na wanaume ambapo ni asilimia 35 pekee ndio wanafanikiwa kujiunga na Vyuo vya elimu ya juu

Hayo yamebainika katika Mkutano uliowakutanisha wanawake wabobevu katika sayansi barani Afrika jijini Dar es salaam kujadili mchango wa sayansi katika maendeleo ya wanawake katika kutimiza lengo la usawa wa kijinsia la Umoja wa Mataifa.

Mdhahiri katika Chuo kikuu cha Dar es salaam ambaye pia ni Mkurugenzi wa taasisi ya utafiti wa kisayansi nchini Tanzania Profesa Yunus Mgaya amesema miongoni mwa wasichana hao imebainika kuwa ni asilimia 4 pekee ndio hufaulu na kujiunga na fani za Sayansi ingawaje katika fani za sanaa wasichana wengi wamekua na mwamko.

Naye rais wa Taasisi ya Taaluma ya Sayansi nchini humo TAAS Profesa. Esther Mwaikambo, amesema wasichana kutofanya vizuri katika masomo ya sayansi kumechangiwa na sababu mbalimbali ikiwa ni pamoja na utamaduni wa kumkweza mtoto wa kiume na kumkandamiza mtoto wa kike kutokana na mila na desturi za kiafrika

Profesa Esther Mwaikambo kutoka taasisi ya Sayansi nchini Tanzania TAAS akihudhuria kongaman la wanawake kuhusu Sayansi Machi 08 2018 Emmanuel Makundi/RFI Kiswahili

Afisa anayehusika na jinsia wa Shirika la maendeleo la Ufaransa AFD Benardeta Ngwilizi, amesema kutokana na hali hiyo shirika hilo limesaidia kufanikisha miradi ya maji na elimu nchini humo katika jiji la Mwanza ili kuwasaidia wanawake kuondokana na kero za maji na wasichana kupata elimu ili kuinua kiwango cha ufaulu kwa wasichana mashuleni.

Balozi wa Ufaransa nchini Tanzania Frederic Clavier anasema hatua zitapigwa iwapo usawa wa kijinsia utazingatiwa huku umuhimu wa sayansi kwa watoto wa kike ukiwekewa kipaumbele ikiwa ni pamoja na kushirikiana na taasisi ya taluma ya sayansi ya Ufaransa.

Mmoja wa wajumbe waliohudhuria kongamano hilo jijini Dar ea salaam Machi 08 2018 Emmanuel Makundi/RFI Kiswahili

Aidha, Balozi huyo ameahidi kuendelea kushirikiana na serikali ya Tanzania katika kuwawezesha wanawake na kufadhili miradi kuhusu Sayansi, akisema katika dunia ya sasa, ni muhimu Sayansi kupewa kipaumbele katika kutatua matatizo yanayoikabili dunia kwa sasa.

Serikali ya Tanzania imekua ikichukua hatua mbalimbali kuwasaidia wasichana wa kike kufanya vizuri katika elimu Katibu Mkuu Ofisi ya waziri Mkuu sera na Mipango nchini Tanzania  Profesa  Faustine Kamuzora amesema shule za wasichana zinazofanya vizuri zimekuwa zikikarabatiwa kila mwaka.

 
Samahani, mwunganisho na sava umeshindikana