Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 26/05 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 26/05 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 25/05 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Mwanasiasa wa upinzani Miguna Miguna afurushwa Kenya

media Kiongozi wa NASA Raila Odinga akiapa Januari 30 2018, kwenye opicha akionekana Miguna Miguna (kushoto). citizentvkenya

Serikali ya Kenya imemfurusha mwanasiasa wa muungano wa upinzani, Nasa, Miguna Miguna na kupelekwa nchini Canada, kwa mujibu wa wakili wake Cliff Ombeta.

Katika kile kinachoonekana ni Serikali ya Kenya kutaka kuwanyamazisha wapinzani na kuwashughulikia viongozi walioshiriki kwenye sherehe za kuapishwa kwa kinara wa upinzani Raila Odinga juma moja lililopita, Serikali imeamua kumfukuza nchini humo Miguna Miguna aliyekuwa mkosoaji mkubwa wa utawala wa rais Uhuru Kenyatta.

Mmoja wa mawakili wa Miguna, Cliff Ombeta, amethibitisha mteja wake kusafirishwa usiku wa kuamkia leo kwenye ndege ya shirika la KLM kuelekea nchini CANADA nchi ambayo pia yeye ni rais, kwa kile ambacho Serikali inasema mteja wao ni hatari kwa usalama wa taifa.

Siku ya Jumanne mkuu wa jeshi la polisi na kaimu mwendesha mashtaka mkuu walishindwa kumpeleka Miguna katika mahakama kuu ya jijini Nairobi kama ilivyoagizwa na jaji hatua ambayo wadadisi wengi wanahofu kuhusu kuvunjika kwa utawala wa sheria na Serikali kutoheshimu mahakama.

Katika hatua nyingine ofisi ya mwendesha mashtaka ilisema imemshtaki Miguna Miguna kwa tuhuma za uhaini huku wakishindwa kumfikisha mahakamani.

Jana Jumanne polisi jijini Nairobi na atika mji wa Kisumu walikabiliana na mamia ya waandamanaji waliokuwa wanashinikiza kuachiwa kwa Miguna huku wakiikashifu Serikali kwa kutaka kurejesha utawala wa mabavu nchini humo.

Kuhusu mada hiyo hiyo
 
Samahani, mwunganisho na sava umeshindikana