Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 20/02 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 20/02 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 20/02 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Human Rights Watch yalaani kuzimwa kwa mitambo ya Vyombo vya Habari nchini Kenya

media Human Rights Watch @google

Mashirika ya kutetea haki za binadamu yameishtumu serikali ya Kenya kwa kuzima mitambo ya vyombo vya Habari nchini humo na kuwanyima raia haki ya msingi, kufuatilia kuapishwa kwa kiongozi wa muungano wa upinzani Raila Odinga kuwa rais wa watu.

Human Rights Watch, inasema hatua hiyo ya serikali ya Kenya ni kuwanyima haki ya msingi raia wa nchi hiyo.

Tume ya Mawasiliano nchini humo imezima mitambo ya runinga kuu nchini humo NTV, Citizen TV , KTN News na redio kadaa ili kuwazuia Wakenya kufuatilia kilichokuwa kinachotokea wakati wa kuapishwa kwa Odinga.

Mtafiti wa Human Rights Watch barani Afrika Otsieno Namwaya amesema, hatua ya serikali imekwenda kinyume na haki ya kupata habari kwa mujibu wa Katiba ya nchi hiyo na sheria za Kimataifa.

"Kenya inarudi nyuma katika harakati za kuheshimu haki za binadamu na rais Kenyatta ana jukumu la kuhakikisha kuwa, anabadilisha hili,” alisema Namwaya.

“Ni ukiukwaji mkubwa sana wa haki za binadamu na inaharibu sifa ya Kenya kimataifa,” aliongeza.

Tume ya taifa ya kutetea haki za Binadamu KNCHR na Kamati ya Kimataifa ya kuwalinda wanahahabari (CPJ) wamelaani pia hatua hiyo ya serikali na kusema kuwa, haikubaliki.

Hatua ya serikali ya rais Uhuru Kenyatta, imerudisha nyuma haki na uhuru wa vyombo vya Habari nchini Kenya licha ya nchi hiyo kupata katiba mpya mwaka 2010.

Wiki iliyopita, ripoti zilieleza kuwa Wahariri waliagizwa kufika Ikulu jijini Nairobi na kuagizwa kutopeperusha matangazo hayo la sivyo wapokonywe leseni.

Kuhusu mada hiyo hiyo
 
Samahani, mwunganisho na sava umeshindikana