Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 18/07 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 18/07 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 17/07 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Machar awaambia wapiganaji wake wasitishe vita

media Kiongozi wa waasi Riek Machar REUTERS/Goran Tomasevic

Kiongozi wa waasi nchini Sudan Kusini Riek Machar, amewaambia wapiganaji wake kuacha kupambana na wanajeshi wa serikali.

Hatua hii imekuja baada ya pande mbili zinazozana kutia saini mkataba wa kusitisha mapigano siku ya Alhamisi jijini Addis Ababa nchini Ethiopia, wakati wa mazungumzo ya amani yaliyoongozwa na mataifa ya Afrika Mashariki IGAD.

Machar ambaye anaishi nchini Afrika Kusini, hata hivyo amewaambia wapiganaji wake, wajilinde iwapo watashambuliwa.

Hakujawa na uhakika iwapo mkataba huo utaheshimiwa kwa sababu siku ya Ijumaa, makabiliano mapya kati ya waasi na wanajeshi wa serikali yalizuka katika majimbo ya Bahr el Ghazal, Upper Nile na Equatorial.

Katika hatua nyingine, Watalaam wa Umoja wa Mataifa wanasema wanasikitishwa na visa vya ukiukwaji wa haki za binadamu vinavyotekelezwa na pande zote mbili nchini humo.

Baada ya ziara ya siku 12 katika taifa hilo, watalaam hao wakiongozwa na Yasmin Sooka wameshuhudia mauaji ya raia wasiokuwa na hatia, mateso pamoja na kubakwa kwa wasichana na wanawake.

Maelfu ya watu wamepoteza maisha tangu mzozo ulipoanza mwaka 2015 na mamilioni kuyakimbia makwao.

Kuhusu mada hiyo hiyo
 
Samahani, mwunganisho na sava umeshindikana