Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 12/12 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 12/12 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 12/12 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Chebukati: Napanga kukutanisha Kenyatta na Odinga kabla ya uchaguzi wa Oktoba 26

media Rais uhuru Kenyatta anasema yuko tayari kwa uchaguzi ujao wa Oktoba 26. ASHRAF SHAZLY / AFP

Rais wa Kenya Uhuru Kenyatta amekutana na mwenyekiti wa Tume ya Taifa ya Uchaguzi (IEBC) kabla ya uchaguzi mpya uliopangwa kufanyika siku ya Alhamisi Oktoba 26.

Wiki iliyopita Wafula Chebukati alikutana na kiongozi wa muungano wa upinzani Raila Odinga.

Mapema wiki iliyopita Mwenyekiti wa Tume ya Uchaguzi IEBC aliomba mazungumzo ya moja kwa moja kati ya rais Uhuru Kenyatta na Raila Odinga. Mazungumzo ambayo yalifutiliwa mbali na rais Kenyatta.

Raila Odinga alitangaza kutoshiriki uchaguzi wa Oktoba 26. Lakini baada ya kukutana na Mwenyekiti wa Tume ya Uchaguzi, alilegeza msimamo na kusema anaweza kubadilisha mawazo na kurejea kwenye kinyang'anyiro cha kuwania urais iwapo kutakuwa na mazungumzo na kufanyika kwa mageuzi ndani ya Tume ye Uchaguzi.

Awali alitolea wito wafuasi wake kufanya maandamano makubwa siku ya uchaguzi.

Bw. Chebukati ameambia vyombo vya habari kwamba anapanga kuwakutanisha Raila Odinga na Uhuru Kenyatta kabla ya uchaguzi wa mpya urais uliopangwa kufanyika siku ya Alhamisi Oktoba 26.

Makabiliano kati ya wafuasi wa upinzani na vikosi vya usalama yamekua yakishuhudiwa katika maeneo mbalimbali nchini Kenya. Makabiliano hayo yamesababisha vifo vya watu kadhaa na wengine wengi kukamatwa.

Mashirika mbalimbali ya haki za binadamu yamekua yakitoa wito wa utulivu na kuvumialiana. Uchaguzi mpya wa urais umepangwa kufanyika Oktoba 26, baada ya Mahakama ya Juu nchini humo kufuta matokeo ya uchaguzi wa urais wa Agosti 8, ambapo Rais Uhuru Kenyatta aiibuka mshindi.

Kuhusu mada hiyo hiyo
 
Samahani, mwunganisho na sava umeshindikana