Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 19/08 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 19/08 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 19/08 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

William Gelling: Tuna wasiwasi na kukamatwa kwa wapinzani nchini Rwanda

media Rais wa Rwanda Paul Kagame akisaini kiapo baada ya kuapishwa Ijumaa, Agosti 18 2017 Paul Kagame Twitter

Uingereza imekosoa vikali serikali ya Rwanda kwa kunyanyasa na kukamata wanasiasa wa upinzani tangu uchaguzi wa urais wa Agosti 4, ambapo rais anayemaliza muda wake Paul Kagame aliibuka msindi kwa 99% ya kura.

"Kuna hofu kuona viongozi wa upinzani wanalengwa, " almesema katika taarifa yake balozi wa Uingereza mjini Kigali, William Gelling.

"Nina wasiwasi kuhusu kukamatwa na matatizo ya kisheria ya wiki za hivi karibuni," Bw. Gelling ameongeza.

Mwanasiasa wa upinzani Diane Rwigara, ambaye alijaribu kugombea urais, kabla ya kuzuiwa na Tume ya Uchaguzi, alikamatwa na kuhojiwa na polisi kabla ya kuachiwa mapema mwezi Septemba.

Kwa mujibu wa polisi, familia yake iko chini ya uchunguzi ya ukwepaji wa kodi na inadiwa Dola milioni 5.9 (sawa na Euro milioni 5) na serikali, na Diane Rwigara anatuhumiwa kughushi hati katika jaribio lake la kuwania uchaguzi wa urais.

Lakini kwa mujibu wa watu walio karibu na mwanasuasa huyo wa upinzani, shutuma hizo hazina msingi na ni zina lengo la kumtisha.

Mmoja wa ndugu zake Diana, Aristide, ambaye anaishi nchini Marekani, anasema familia yake imekuwa toka wakati huo "chini ya ulinzi", madai ambayo polisi inakanusha.

Dada yake Diane, mama yake na ndugu wengine, "wanachukuliwa na kupelekwa kila asubuhi na polisi kuhojiwa na kurejeshwa nyumbani usiku wa manane," Bw. Aristide amesema.

Wiki iliyopita, viongozi saba wa vyama viwili vya Rwanda visivyotambuliwa na serikali, FDU-Inkingi kinachoongozwa na Victoire Ingabire, anayezuiliwa jela, walikamatwa.

Polisi inawatuhumu kuwa "uhusiano na makundi ya waasi yanayoendesha harakazi zao katika nchi jirani", ikimaanishwa Kundi la waasi wa Kihutu wa Rwanda la FDLR nchini Jamhuri ya Kidemokrasia ya Congo.

Katika taarifa yake, Bw Gelling pia amelezea wasiwasi wa serikali za Magharibi kuhusu jnsi uchaguzi wa urais ulivyofanyika nchini humo.

Amesikitishwa na "ukosefu wa uwazi katika mchakato wa kuandika"barua za wagombea, ambao ulizuia baadhi ya watu kujiandikisha, na pia baadhi ya "makosa katika kuhesabu matokeo."

Hata hivyo, Balozi wa Uingereza amekiri kuwa uchaguzi "unakwenda na nia ya idadi kubwa ya Wanyarwanda."

Kuhusu mada hiyo hiyo
 
Samahani, mwunganisho na sava umeshindikana