Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 24/08 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 24/08 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 23/08 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

IEBC: Tutatangaza matokeo ya uchaguzi wa rais kwa mujibu wa sheria

media  
Katika kituo cha kupigia kura cha Gatundu, nchini Kenya. REUTERS/Baz Ratner

Tume ya taifa ya uchaguzi nchini Kenya imesema kuwa matokeo itakayoyatangaza yatakuwa ni kwa mujibu wa sheria na sio kwa maelekezo ya mtu au kundi fulani la wanasiasa.

Kauli ya IEBC imekuja ikiwa ni saa chache tu zimepita toka muungano wa upinzani nchinuij Kenya, NASA utangaze matokeo yake iliyosema yametokana na uhakiki walioufanya kupitia kwenye fomu zilizowekwa kwa kanzi data ya IEBC inayotumiwa kujumusha matokeo.

Mwenyekiti wa IEBC Wafula Chebukati amekiri kupokea barua ya muungano wa NASA ambapo amesema tayari wameshawarudishia majibu ambayo nao wamesisitiza kuwa matokeo waliyo nayo sio rasmi.

IEBC inasisitiza kuwa matokeo yatakayotangazwa hayatatokana na karatasi peke yake lakini yatatokana na idadi ya wapiga kura waliojitokeza na kupiga kura kuchagua kiongozi wanaemtaka.

Chebukati amewataka wanasiasa kujiepusha na kufanya kazi za tume yake ambayo ndio yenye mamlaka ya mwisho kumtangaza mshindi.

Tume imejibu barua hii na matokeo sahihi na yakisheria yatatangazwa baada ya tume kupokea fomu zote za matokeo namba 34 B, kwa mantiki hiyo tume itatangaza matokeo ya urais kama inavyoelekezwa na ibara ya 138-3C na ile ya 138-10 ya katiba”

Awali mmoja wa vinara wa muungano wa NASA Musalia Mudavadi wakati akizungumza na wanahabari jijini Nairobi, alieleza kuwa muungano wao umefanya uhakiki wa fomu zilizoko kwenye kanzi data ya IEBC na kujiridhisha kuwa mgombea wao Raila Odinga ndie mshindi.

Mudavadi alienda mbali zaidi na hata kuitaka tume ya uchaguzi kutotangaza matokeo ambayo yatakuwa kinyume na yale ambayo wamethibitisha kupitia kwenye mtandao wao.

Mpaka sasa ukweli haujajulikana kuhusu nani ameibuka mshindi kati ya rais Uhuru Kenyatta na Raila Odinga ambapo kwa mujibu wa tume ya uchaguzi IEBC, matokeo rasmi huenda yakatangazwa leo mchana baada ya kukamilisha uhakiki wa fomu namba 34 A na B kutoka kwa maafisa wa uchaguzi.

Shughuli nyingi zimeendelea kusimama jijini Nairobi na kwenye maeneo mengine ya nchi, ambapo wafanyakazi wachache wa uma walifika ofisini huku maelfu wakishindwa kutokana na hofu ya kutokea vurugu.

Siku ya Alhamisi waangalizi wa kimataifa wa uchaguzi pia walitoa taarifa zao za awali ambapo wengi walieleza kuridhishwa na namna tume ya uchaguzi IEBC iliandaa uchaguzi ambao wamesema kwa kiwango kikubwa ulikuwa Huru na Haki.

Kuhusu mada hiyo hiyo
 
Samahani, mwunganisho na sava umeshindikana