Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 19/06 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 19/06 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 19/06 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Haraka
Kombe la Dunia 2018: Japani waibwagiza Colombia 2-1 na kuchukua nafasi ya kwanza katika kundi H
E.A.C

Maswali yaibuka kuhusu ziara ya rais Nkurunziza nchini Tanzania

media (Picha ya zamani) Rais wa Burundi Pierre Nkurunziza, Bujumbura, Mei 16, 2016. REUTERS/Evrard Ngendakumana

Wiki iliyopita, rais wa Burundi Pierre Nkurunziza alifanya ziara ya siri nchini Tanzania. Tangu mwaka 2015 baada ya jaribio la mapinduzi la Mei, ilikuwa ni mara ya kwanza rais Pierre Nkurunziza kufanya ziara nje ya nchi yake. Ziara ambayo ilikua muhimu, kwa mujibu wa wizara ya mambo ya nje ya Burundi.

Burundi inakabiliwa na mgogoro mkubwa wa kisiasa tangu mwaka 2015, ambao ulitokana na rais Nkurunzizakuwania muhula wa tatu, ambao aliupata baada ya uchaguzi alioshinda. Mpaka sasa mazungumzo ya kuiondoa nchi ya Burundi katika mgogoro unaoendelea chini ya mwamvuli wa Jumuiya ya Afrika Mashariki, yameshindikana. Serikali ya Bujumbura inakataa katu katu kuketi kwenye meza ya mazungumzo na upinzani ulio uhamishoni licha ya shinikizo kutoka jumuiya ya kimataifa na vikwazo vya Umoja wa Ulaya.

Vyanzo vya kidiplomasia vinaeleza kwamba kama Pierre Nkurunziza alikua akikataa kusafiri nje ya nchi mpaka sasa, ilikua kutokana na kuogopa kupinduliwa madarakani. Rais Pierre Nkurunziza hajashiriki katika vikao vingi vyaJumuiya ya Afrika Mashariki vilivyofanyika tangu wakati huo, wakati ambapo Burundi ilikua kila mara kwenye ajenda ya mazungumzo ya vikao hivyo. Mwezeshaji mkuu wa mgogoro wa kisiasa wa Burundi, rais wa Uganda Yoweri Museveni amejaribu angalau mara tatu kukutana na Rais Pierre Nkurunziza, bila mafanikio. Kila wakati, rais wa Burundi alitoa pingamizi ili kuepika kukutana na rais Yoweri Kaguta Museveni

Hata hivyo wakuu wa nchi kutoka ukanda wa afrika mashariki, hatimaye waliamua kumuagiza rais wa Tanzania John Magufuli kujaribu kumshawishi kushiriki katika mazungumzo ya amani. Ndio lengo la mkutano huo uliyofanyika wiki iliyopita katika mji wa Ngara, kilomita thelathini kutoka mpaka wa nchi hizi mbili. Pierre Nkurunziza alikubaliana kukutana na mwenzake wa Tanzania hasa kwa sababu Tanzania ina hoja zinazohitajika ili iweze kusikika. Kwanza, Burundi ni nchi inategemea Tanzania kwa kuingiza bidhaa zake kutoka nje. Serikali ya Bujumbura haingekataa mwaliko huo kwa kuogopa kumchukiza jirani yake mkuu.

Kwa mujibu wa vyanzo vya kidiplomasia rais Pierre Nkurunziza alishinikizwa kushiriki mazungumzo bila masharti.

Burundi imeendelea kukumbwa na mgogoro wa kisiasa , wakati ambapo watu zaidi ya 1000 wamepoteza maisha kwa mujibu wa mashirika ya kimataifa ya haki za binadamu na zaidi ya watu 300,000 wamelazimika kuikimbia nchi hiyo.

Kuhusu mada hiyo hiyo
 
Samahani, mwunganisho na sava umeshindikana