Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 26/04 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 26/04 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 26/04 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Benjamin Mkapa kukutana na wanasiasa wa Burundi

media Kikao cha pili cha mazungumzo kuhusu mgogoro wa Burundi kinafanyika mjini Arusha, Tanzania. Photo: Wikimedia/Phase9

Mratibu wa mazungumzo ya amani ya Burundi, rais wa zamani wa Tanzania Benjamin Mkapa anatarajiwa kukutana na wanasiasa wa nchi hiyo wakati huu mazungumzo hayo yaliyosusiwa na serikali yakiingia siku yake ya pili.

Wanasiasa wa Burundi wanakutana tangu Alhamisi wiki hii mjini Arusha nchini Tanzania chini ya mratibu wa mazungumzo hayo ya amani, rais wa zamani wa Tanzania Benjamin William Mkapa kujaribu kutafuta suluhu ya mgogoro wa kisiasa unaoendelea nchini humo.

Mgogoro huo umesababisha maelfu ya raia wa Burundi kulitoroka taifa lao na wengine wanaokadiriwa kufikia elfu moja kupoteza maisha kwa mujibu wa mashirika ya kimataifa ya haki za binadamu.

Wakati mazungumzo ya amani ya Burundi yakianza jijini Arusha nchini Tanzania makundi mbalimbali ya kijamii toka nchini Burundi yametaka kuwepo kwa ushirikishwaji mpana hasa kwa wanawake na makabila mengine madogo nchini humo, ikiwa ni pamoja na kundi la watu kutoka jamii ya Waswahili. Polisi ya Tanzania ilijitahidi kuzima maandamano ya watu hao na kuwakamata baadhi yao Alhamisi wiki hii.

Serikali ya Burundi ilisema haitashiriki katika mazungumzo ya amani yaliyoanza Alhamisi wiki hii kati yake na wanasiasa wa upinzani, mjini Arusha nchini Tanzania.
Hata hivyo muungano wa wanasiasa wa upinzani CNARED unashiriki katika mazungumzo hayo.

Awali Msemaji wa serikali Philippe Nzobonariba alisema Bujumbura haijaridhiswa na namna mazungumzo haya yalivyoandaliwa lakini pia uwepo wa mshauri wa Umoja wa Mataifa Benomar Jamal.

Hatua hii ya serikali ya Burundi, inarudisha nyuma upatikanaji wa suluhu kuhusu mzozo wa kisiasa nchini humo hasa wakati huu ambao muungano wa vyama vya upinzani CNARED ambao viongozi wake wanaoishi nchi wakikubali kuhudhuria mazungumzo hayo, yanayoongozwa na Mratibu ambaye ni rais wa zamani wa Tanzania Benjamin Mkapa.

Rais mstaafu wa Tanzania anataka kujadiliwa kwa mara ya kwanza "masuala nyeti", kama vile muhula wa tatu wa Rais Pierre Nkurunziza unaoendelea kuzua utata na "uundwaji wa serikali ya umoja wa kitaifa," amesema mwanadiplomasia wa Afrika ambaye hakutaka jina lake litajwe.

Majaribio ya kuwaleta kwenye meza moja ya mazungumzo serikali ya Burundi na upinzani walio uhamishoni hadi sasa yameshindwa. Serikali ya Bujumbura imekataa mpaka sasa kuketi kwenye meza ya mazungumzo na Cnared licha ya shinikizo na vikwazo kutoka jumuiya ya kimataifa.

Kuhusu mada hiyo hiyo
 
Samahani, mwunganisho na sava umeshindikana