Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 25/01 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 25/01 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 25/01 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Human Rights Watch yasema Kenya inawalazimisha wakimbizi kurudi Somalia

media Kambi ya wakimbizi ya Daadab kaskazini mwa nchi ya Kenya, inayohifadhi wakimbizi wa Somalia UNHCR - kenya

Shirika la kutetea haki za binadamu la Human Rights Watch, linasema kuwarudisha nyumbani wakimbizi raia wa Somalia wanaoishi katika kambi ya wakimbizi ya Daadad Kaskazini Mashariki mwa Kenya ni kinyume cha sheria na utaratibu wa Kimataifa.

Kauli hii imekuja wakati huu serikali ya Kenya ikiendelea na zoezi la kuwarudisha nyumbani maelfu ya wakimbizi ambao wamekuwa wakiishi katika kambi hiyo.

Human Rights Watch inasema imewahoji zaidi ya wakimbizi 100 ambao wamekiri kuwa wanarudi nyumbani kwa sababu wanahofia kurudishwa kwa nguvu na serikali ya Kenya.

Aidha, Shirika hilo linadokeza kuwa wakimbizi hao wanaorudi Somalia wanahofia kupoteza maisha, kuteswa na kukabiliwa na baa la njaa wanapofika nchini mwao.

Serikali ya Kenya tayari imetangaza kuwa itafunga kambi hiyo kubwa duniani yenye wakimbizi 266,000 kutoka Somalia itafungwa ifikapo mwezi Novemba mwaka huu kwa sababu za kiusalama.

Wakimbizi hao sasa wanahofia kuwa huenda wakakosa Dola 400 kama malipo ya kurudi nyumbani kwa madai kuwa serikali ya Kenya haiwapi taarifa kuhusu kusalia kwao katika kambi hiyo lakini pia hali ya mambo nchini Somalia.

Umoja wa Mataifa na Mashirika mengine ya Kimataifa yamekuwa yakitoa wito kwa serikali ya Kenya kutowalazimisha wakimbizi hao kurudi nyumbani.

Kuhusu mada hiyo hiyo
 
Samahani, mwunganisho na sava umeshindikana