Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 17/10 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 17/10 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 16/10 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Amerika

Baraza la Usalama la Umoja wa Mataifa laendelea kugawanyika kuhusu kumaliza mzozo wa Syria

media Hillary Clinton (kushoto) waziri wa mambo ya nje wa Marekani, Sergey Lavrov (katikati) waziri wa mambo ya nje wa Urusi wakizungumza na katibu mkuu wa Umoja wa Mataifa Ban Ki Moon (Kulia) UN Photo/Devra Berkowitz

Nchi za Marekani na Urusi zimeendelea kuvutana kuhusu namna ya kumaliza mzozo wa machafuko nchini Syria huku kila upande ukimshutumu mwenzake kwakuendelea kusababisha umwagikaji damu nchini humo.

Mvutano huo ndani ya Baraza la Usalama la Umoja wa Mataifa umeendelea kudhihirisha mgawanyiko mkubwa ulioko baina ya mataifa yenye kura za turufu kwenye Umoja huo kuhusu kumaliza machafuko nchini humo.

Kwenye kikao cha siku ya Jumatano waziri wa mambo ya nchi za nje wa Marekani Hillary Clinton ameyashutumu mataifa ambayo yanaunga mkono utawala wa rais Bashar al-Asad akisema kuwa na zenyewe ni miongoni mwa magaidi ambao wanauwa watu wao wenyewe.

Waziri Clinton ametoa maneno hayo akiinyoshea kidole nchi ya Urusi na Uchina ambazo zimekuwa mstari wa mbele kukataa uvamizi wowote wa kijeshi dhidi ya taifa la Syria.

Wakati Marekani ikiishutumu Urusi kwa kuendelea kumsaidia Asad na utawala wake kuendeleza mauaji nchini mwake, waziri wa mambo ya nje wa Urusi Sergey Lavrov kwa upande wake ameishutumu nchi ya Marekani kwa kuendelea kufadhili ugaidi duniani.

Lavrov ametolea mfano hatua ya Marekani kuendelea kuwafadhili kwa silaha waasi wanaopigana na serikali ya Syria na kuongeza kuwa kitendo hicho ni wazi kinafadhili ugaidi kwa makundi hayo kuendeleza uasi dhidi ya raia.

Licha ya kushutumiwa na Marekani, waziri wa mambo ya nje wa Urusi ameendelea kusisitiza msimamo wa nchi yake kuhusu Syria na kwamba haitafanya mabadiliko yoyote kuhusu hatua za kuchukua kumaliza machafuko nchini humo.

Lavrov ameongeza kuwa suala la kumaliza machafuko nchini humo liko mikonono mwa nchi ya Syria na hasa waasi ambao wamekataa katu kuweka silaha chini kuruhusu mazungumzo.

 
Samahani, mwunganisho na sava umeshindikana