Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 25/02 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 25/02 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 24/02 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Asia

Shambulio la Iran nchini Iraq: Askari 11 wa Marekani walijeruhiwa

media Iran ililipiza kisasi Januari 8 kwa kurusha makombora 22 ya masafa marefu katika kambi ya jeshi ya Ain al-Assad, Iraq. Ayman HENNA / AFP

Wanajeshi kumi na mmoja wa Marekani walijeruhiwa katika shambulio la Iran dhidi ya kambi ya jeshi la wanaanga ya Ain al-Assad nchini Iraq Januari 8, mwaka huu, kulingana na makao makuu ya jeshi la Marekani.

"Kila kitu kiko sawa," rais wa Marekani amesema muda mfupi baada ya kutangazwa shambulio la Iran Januari 8.

"Hakuna Mmarekani aliyejeruhiwa katika shambulio hilo jana usiku," alisema Donald Trump siku iliyofuata katika hotuba kwenye televisheni.

"Ingawa hakuna askari wa jeshi la Marekani aliyeuawa katika shambulio la Iran la Januari 8 katika kambi ya jeshi la wanaanga ya Ain al-Assad, wengi wao walitibiwa kutokana na dalili za majeraha yaliyosababishwa na mlipuko huo na bado wanaendelea kuchunguzwa, " Kamanda Bill Urban alisema katika taarifa Alhamisi Januari 16.

"Katika siku zilizofuatia baada ya shambulio hilo, kama tahadhari, wafanyakazi wengine walisafirishwa kutoka kituo cha jeshi la wanaanga ya Ain al-Assad, nchini Iraq, hadi Kituo Kikuu cha Tiba cha Landstuhl, nchini Ujerumani; wengine walisafirishwa katika kambi ya Arifjannchini Kuwait ili kufanyiwa vipimo na uchunguzi, "amesema msemaji wa makao makuu ya jeshi la Marekani. Watu wanane walisafirishwa huko Landstuhl, na watatu katika kambi ya Arifjan, amesema msemaji huyo.

Usiku wa Januari 7 kuamkia 8, Tehran ilirusha makombora dhidi ya kambi za Ain al-Assad (magharibi) na Erbil (kaskazini), ambapo baadhi ya wanajeshi 5,200 wa Marekani wanapiga kambi, kwa kulipiza kisasi kifo cha Jenerali Iran Qassem Soleimani.

Kuhusu mada hiyo hiyo
 
Samahani, mwunganisho na sava umeshindikana