Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 06/12 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 06/12 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 06/12 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Asia

Beijing yaonya Marekani kuhusu 'uchokozi' katika Bahari ya China Kusini

media Meli za vikosi vya walinzi kutoka China na Vietnam zikipiga doria kwnye Bahari ya China Kusini. REUTERS/Nguyen Minh

China imeitaka Marekani kusitisha luteka za kijeshi katika Bahari ya China Kusini na kuongeza "wasiwasi katika suala la Taiwan, mwakilishi wa China amesema baada ya mazungumzo ya ngazi juu kati ya mawaziri. Kauli hii inaonyesha kuendelea kwa mvutano kati ya Beijing na Washington.

Kauli ya Waziri wa Ulinzi wa China Wei Fenghe kwa mwenzake wa Marekani Mark Esper, akinukuliwa na msemaji wa serikali ya China, inakuja wiki mbili baada ya afisa mwandamizi wa Ikulu ya White House kulaani "vitisho" vya China katika lango la Taiwan.

Mark Esper mwenyewe Jumapili alishtumu hadharani Beijing kwa kujaribu kuchukua hatua zaidi na "na vitisho ili kuendeleza malengo yake ya kimkakati" katika ukanda huo.

Wakati wa majadiliano ya faragha katika mkutano wa mawaziri wa ulinzi mjini Bangkok, Wei Fenghe amemsihi Esper "kusitisha luteka za kijeshi kwenye Bahari ya China Kusini na kutochochea au kusababisha mvutano kwenye bahari ya China Kusini, "amesema msemaji wa serikali ya China Wu Qian.

Alipoulizwa kuhusu kile Wei alikuwa akitarajia kutoka Marekani, msemaji huyo amesema: "Marekani iachane na mpango wa kuingilia kati katika Bahari ya China Kusini na kusitisha luteka za kijeshi" katika bahari hiyo.

Taiwan ni moja wapo ya hoja kuu za malumbano kati ya Marekani na China, ambao pia zinvutana katika mzozo wa biashara. Mvutano umeongezeka tangu Wizara ya Ulinzi ya Marekani kuagiza mwezi Julai mwaka huu kuuzwa kwa vifaru vya kijeshi na makombora huko Taipei.

Beijing inadai karibu Bahari zote za China Kusini ni milki yake, madai ambayo Washington inafutilia mbali.

Marekani imeendelea kutuma meli zake za kijeshikatika lango la Taiwan kwa kusema kwamba inaheshimu sheria za kimataifa na inatetea uhuru wa wa kusafiri majini. China inaona kuwa jambo hilo ni kama uchokozi.

Kuhusu mada hiyo hiyo
 
Samahani, mwunganisho na sava umeshindikana