Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 15/11 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 15/11 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 15/11 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Asia

Hong Kong: Sekta ya uchukuzi yakumbwa na sintofahamu, Carrie Lam akosoa waandamanaji

media Waandamanaji wazuia njia ya reli ya treni umeme ya mwendokasi. REUTERS/Eloisa Lopez

Operesheni ya kuzuia njia ya reli ya treni umeme ya mwendokasi iliyozinduliwa na waandamanaji wa wanaotaka demokrasia na uhuru zaidi Hong Kong imezorotesha shughuli katika sekta ya uchukuzi katika jimbo hilo, leo Jumatatu, Agosti 5 asubuhi, wakati mgomo unatarajia kuzorotesha shughuli nyingi katika mji huo.

Baada ya maandamano mawili jana Jumapili jioni, husa katika wilaya maarufu ya biashara ya Causeway Bay, waandamanaji wameingia mitaani mapema asubuhi katika vituo mbalimbali vya treni umeme za mwendokasi na kuzuia treni kuondoka.

Haya yanajiri siku mbili tu baada ya polisi kutumia mabomu ya kutoa machozi kuwatawanya waandamanaji katika mtaa maarufu kwa utalii. Siku ya Jumamosi, wilaya ya Tsim Sha Tsui ambayo hujaa watalii na wafanyabishara kutokana na maduka na hoteli zake za kifahari, ilikumbwa na machafuko wakati makundi madogo ya waandamanaji sugu walikabiliana na polisi.

Wakati huo huo kiongozi wa Hong Kong Carrie Lam ameonya kuwa mji huo unaharibiwa kutokana na maandamano yanayoendelea kushuhudiwa kwa mwezi wa pili sasa.

Bi.Lam amesema kinachoshuhudiwa kwa sasa ni hatari mno, wakati huu polisi wanapoendelea kukabiliana na waandamanaji.

“Kuendelea kushuhudia uharibifu huu kwa sababu ya kutafuta mambo fulani, yanayoletewa na kundi ambalo halina mpango, linaharibu mji huu na kusababisha utovu wa usalama, kinachoendelea ni kuendelea kuharibu mji huu tunaoupenda, mji ambao tumeshirikiana kuuja kwa bidii, tukipitia nyakati ngumu, “ Carrie Lam.

Waandamanaji Hong Kong wameendelea kupinga mpango wa serikali ya eneo hilo kupitisha sheria itakayowawezesha wakaazi wa mji huo kushtakiwa nchini China, kwa kile wanachosema unawalenga wapinzani wa serikali ya Beijing.

Kuhusu mada hiyo hiyo
 
Samahani, mwunganisho na sava umeshindikana