Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 17/08 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 17/08 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 17/08 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Asia

Uingereza yapendekeza jeshi la Ulaya katika Ghuba ya Uajemi, Iran yalaani

media Jeshi la Marekani likipiga doria kwenye pwani ya Hormuz, Desemba 21, 2018. REUTERS/Hamad I Mohammed

Uingereza inajiandaa kuzindua kikosi kitakachoongozwa na nchi za Ulaya kujibu hatua ya Iran ya kuikamata meli ya mafuta iliyokuwa na bendera ya Uingereza mnamo Julai 19, kwa mujibu wa vyanzo kutoka Uingereza.

Ni wiki mbili sasa tangu kukamatwa meli ya Uingereza – ‘'Stena Impero'' ambapo hali hiyo imejitokeza baada ya kikosi cha wanamaji wa Uingereza kuitia nguvuni meli ya Iran ‘'Grace 1'' katika pwani ya Gibraltar kwa madai kwamba ilikuwa inasafirisha mafuta kwenda Syria hatua, ambayo inakiuka vikwazo vya Umoja wa Ulaya.

Siku ya Jumatatu wiki iliyopita Uingereza ilipendekeza kuwepo kwa jeshi la Ulaya katika Ghuba ya Uajemi, ili kukabiliana na chokochoko za Iran dhidi ya kile inachoda ni ”mahisimu wake”.

Waziri wa Ulinzi wa Ujerumani, Annegret Kramp-Karrenbauer, amesema kuwa Ujerumani inaweza kushiriki katika kuundwa kikosi cha jeshi kilichopendekezwa na Uingereza. Naye Waziri wa Mambo ya nje wa nchi hiyo Heiko Maas amesema hata hivyo mipango hiyo bado ipo kwenye hatua za mwanzoni.

Hata hivyo Iran imelaani pendekezo la Uingereza la kuanzisha kikosi cha walinzi wa bahari wa Ulaya katika Ghuba ya Uajemi. Iran imesema hatua hiyo ni uchokozi.

Wakati huo huo Merikani imesema itaongeza uwepo wa majeshi yake katika eneo hilo ili kufuatilia shughuli za Iran. Lakini Iran imesema inaamini nchi za Mashariki ya Kati ndio zinapaswa kuhakikisha usalama wa meli zinazopita kwenye bahari ya Hormuz.

Rais wa Iran Hassan Rouhani amesema uwepo wa vikosi vya kigeni katika eneo hilo hautasaidia chochote bali hatua hiyo itasababisha mvutano. Rais Rouhani, ameongeza kusema kuwa Iran na Oman ndio zenye jukumu la msingi la kulinda eneo muhimu la pwani ya Hormuz.

Iran pia imesisitiza kuwa hali mbaya na mivutano ya sasa katika Mashariki ya Kati inatokana na kujiondoa kwa Marekani katika mpango wa nyuklia wa mwaka 2015 (JCPOA), uliofikiwa kati ya Iran na mataifa yenye nguvu.

Kuhusu mada hiyo hiyo
 
Samahani, mwunganisho na sava umeshindikana