Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 16/09 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 15/09 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 15/09 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Asia

China yasema ni lazima Taiwan ikubali kuwa haiwezi kuwa huru

media Rais wa China Xi Jinping AFP/POOL/Mark Schiefelbein

Rais wa China Xi Jinping amewataka watu wanaoishi katika kisiwa cha Taiwan wakubali na lazima wafahamu kuwa Taiwan itaunganishwa na ni sehemu ya China.

Jinping ametoa kauli hiyo, wakati wa maadhimisho ya miaka 40, tangu kuanza kuimarika kwa uhusiano kati ya Beijing na Taipei.

Kiongozi huyo wa taifa lenye watu wengi duniani, amesisitiza kuwa, China imekuwa ikijaribu kuhakikisha hilo linafanyika kwa amani lakini nguvu ya kijeshi itatumika iwapo kutakuwa na ulazima wa kufanya hivyo.

Taiwan ambayo inajitawala na ina rais wake, hata hivyo haijawahi kutangaza uhuru wa kujitenga na China.

Kiongozi wa nchi hiyo amesisitiza kuwa China na Taiwan ni familia moja ambayo inaunganishwa na historia moja na hivyo haiwezi kutenganishwa.

“Watu wa Taiwan lazima waelewe kuwa, Uhuru wao utawaletea matatizo,” amesema rais Jinping.

Ameonya kuwa Beijing, haiwezi kukubali uhuru wa Taiwan, ambao amesema unachochewa na nchi za kigani.

Uongozi wa kisiwa hicho, umeendelea kusisitiza kuwa hautishwi kauli za China kwa sababu kisiwa hicho kimepiga hatua ya kidemokrasia na inajisimamia.

China nayo imekuwa ikitishia kusitisha msaada wa kifedha hasa kwa mataifa ya Afrika, iwapo hayatasitisha uhusiano wao wa kidiplomasia na Taiwan.

Burkina Faso na Gambia ni miongoni mwa mataifa ambayo hivi karibuni yamevunja uhusiano na Taipei.

Taiwan ina idadi ya watu zaidi ya Milioni 23, makao makuu ya kisiwa hicho ni Taipei na inaongozwa na Tsai Ing-wen rais wa  kwanza mwanamke kushika madaraka.

Kuhusu mada hiyo hiyo
 
Samahani, mwunganisho na sava umeshindikana