Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 20/10 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 20/10 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 20/10 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Asia

Papa akubali kujiuzulu kwa askofu mkuu aliyehukumiwa Australia

media Kiongozi wa kanisa Katoliki Papa Francis. REUTERS/Stefano Rellandini

Papa Francis amekubali kujiuzulu kwa askofu mkuu wa Australia aliyehukumiwa mwaka mmoja jela kwa kushindwa kufichua vitendovya udhalilishaji watoto kingono vilivyoendeshwa na viongozi wa kidini nchini humo, ofisi ya Papa Francis imesema katika taarifa yake.

"Papa Francis amekubali kujiuzulu kwa Askofu Mkuu wa Adelaide (Australia) Philip Edward Wilson," taarifa hiyo imeongeza.

 

ASKOFU Mkuu wa jimbo la Adelaide nchini Australia, Philip Edward Wilson, ambaye ni afisa mwandamizi mkuu wa Kanisa Katoliki duniani alikutwa Mei 2018 na hatia ya kuficha unyanyasaji watoto kingono na hivyo kuhukumiwa kifungo kisichopungua miezi 12 jela na kisichozidi miaka miwili.

Makosa yake ni kufunika uhalifu wa kuhani Jim Fletcher ambaye katika miaka ya 1970 aliwadhalilisha kingono watoto katika eneo la Hunter, New South Wales.

Hakimu wa Mahakama ya Wilaya ya Newcastle Robert Stone alimhukumu Wilson miezi 12 ya kufungwa kwa muda bila kuwa huru kwa miezi sita.

“Mtuhumiwa hakuonyesha huruma hata kidogo. Kwa maoni yangu hukumu haipaswi kusitishwa.

Stone pia aliamuru kuwa Wilson afanyiwe tathmini kwa kizuizi cha nyumbani; kumaanisha kuwa anaweza kuepuka jela. Kesi hiyo iliahirishwa hadi Agosti 14.

Uchunguzi wa Miaka mitano na Tume ya Royal juu ya unyanyasaji wa kijinsia wa watoto ulipata kua mwaka jana makumi ya maelfu ya watoto walifanyiwa unyanyasaji wa kijinsia kati ya 1960 na 2015 katika taasisi za Australia, ikiwa ni pamoja na shule na makanisa.

Pia iligundulika kuwa asilimia 7 ya makuhani wote kati ya ,mwaka 1960 na 2015 walidaiwa kuwadhulumu watoto na asilimia 62 ya waathirika, ambao waliripoti unyanyasaji katika taasisi ya kidini, walikuwa kutoka kwa taasisi zilizosimamiwa na kanisa Katoliki.

Kuhusu mada hiyo hiyo
 
Samahani, mwunganisho na sava umeshindikana