Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 18/11 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 17/11 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 17/11 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Asia

Tetemeko la ardhi laua watu zaidi ya watatu Osaka, Japani

media Moja ya barabara zilizoharibiwa na tetemeko kubwa la ardhi lenye ukubwa wa 6.1lililopiga mji wa Osaka Jumatatu hii asubuhi, Juni 18. Twitter/@tw_hds/via REUTERS

Tetemeko la ardhi lenye ukubwa wa 6.1, katika vipimo vya Richter limepia mji wa Osaka, nchini Japani mapema Jumatatu asubuhi wiki hii, na kuua watu zaidi ya watatu, kulingana na ripoti ya NHK, adio na televisheni vya serikali.

Mwanamume mwenye umri wa miaka 80 na msichana mwenye umri wa miaka tisa ni miongoni mwa watu waliopoteza maisha baada ya kuangukiwa na ukuta wa nyumba. Mtu mwengine amefariki baada ya kuangukiwa na kuta za maktaba.

Serikali imethibitisha vifo vya watu wawili.

Picha zilizorushwa na vituo vya televisheni zinaonyesha maji mengi yakifurika katika mitaa mbalimbali ya mji wa Osaka, huku nyumba moja ikiteketea kwa moto.

Tetemeko hilo lilitokea wakati raia wengii wa Japan walikua wakielekea kazini.

Waziri Mkuu Shinzo Abe amesema kuwa serikali bado inatathmini kiwango cha hasara iliyosababishwa na tetemeko hilo la ardhi na kwamba kipaumbele chake ni usalama wakaazi wa mji wa Osaka.

Hakuna onyo ya tsunami iliyotolewa. Awali Mamlaka ya utabiri wa hali ya hewa ilibaini kwamba ukubwa wa tetemeko la ardhi utakua wa 5.9 katika vipimo vya Richter kabla ya kubadili kauli na kusema ukumbwa wa tetemeko hilo ulikua hadi 6.1.

Tetemeko hilo limeathiri sekta muhimu ya viwanda katikati mwa Japani. Kampuni ya Panasonic, yenye makao yake makuu Osaka, imetangaza kuwa inafunga viwanda vyake viwili.

Zaidi ya familia 170,000 zimekosa umeme katika mji wa Osaka na mji jirani wa Hyogo, shirika la umeme nchini Japani limesema na kubaini kwamba umeme umerejeshwa ndani ya masaa mawili.

Daihatsu Motor, kampuni ndogo ya Toyota, imetangaza kusitisha shughuli katika viwanda vyake vya Osaka na Kyoto ili kutathimini kiwango cha hasara.

Osaka inajiandaa kupokea viongozi kutoka nchi 20 watakao shiriki mkutano wa G20 mwaka ujao.

Kuhusu mada hiyo hiyo
 
Samahani, mwunganisho na sava umeshindikana