Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 12/12 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 12/12 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 12/12 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Asia

Chama kikuu cha upinzani chafutwa Cambodia

media Maafisa wa polisi wakitoa ulinzi mbele ya Mahakama Kuumjini Phnom Penh, Cambodia. REUTERS/Samrang Pring

Mahakama ya Juu nchini Cambodia imefuta chama kikuu cha upinzani nchini humo CNRP (Cambodia National Rescue Party), na hivyo kumpa nafasi Waziri Mkuu Hun Sen kuendelea kusalia mamlakani.

Mahakama pia imepiga marufuku wanasiasa 118 wa upinzani kufanya shughuli za kisiasa kwa kipindi cha miaka mitano.

Chama cha CNRP, ambacho kimekua na matumaini ya kumuangusha waziri mkuu, madarakani kwa zaidi ya miaka thelathini, wakati wa uchaguzi mkuu wa mwaka ujao, kinashtumiwa kula njama ya kuipindua serikali, shutma ambazo chama hiki kinakanusha.

Wachambuzi wanaona uamuzi huu wa mahakama ni shinikizo kutoka kwa chama cha tawala dhidi ya upinzani, vyama vya kiraia na vyombo binafsi vya habari ili kunyamazisha upinzani wotewote kwa uchaguzi wa mwaka 2018 .

Kiongozi wa chama cha CNRP, Kem Sokha, alikamatwa tarehe 3 Septemba akishtumiwa kujaribu kupindua serikali ya zamani ya Khmer Rouge kwa ushirikiano na Marekani.

Binti yake, Kem Monovithya, ambaye pia ni mwanasiasa wa chama cha CNRP, amesema kuwa uamuzi huo wa mahakama haujawashangaza.

Wafadhili wa Cambodia wameomba kuachiliwa kwa Kem Sokha lakini wanaonekana kusita kuweka vikwazo dhidi ya nchi ambayo ni mshirika wa karibu wa China.

Hun Sen, katika taarifa yake iliyorushwa kwenye televisheni na kwenye Facebook, amehakikisha kwamba uchaguzi uliopangwa kufanyika mwezi Julai mwaka ujao "utafanyika kama ilivyopangwa."

Wanasiasa wa chama cha CNRP ambao hawajapigwa marufuku kufanya shughuli yoyote ya kisiasa wana haki ya kuunda chama kipya, amesema Hun sen.

Kuhusu mada hiyo hiyo
 
Samahani, mwunganisho na sava umeshindikana