Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 11/12 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 11/12 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 10/12 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Amerika

Amazon: Baada ya shinikizo la kimataifa, Brazili yatuma jeshi kukabiliana na moto

media Mwanaharakati akibebelea bango lililoandikwa: "Kila kinachotokea duniani, kitatokea kwa watoto wa dunia", kwenye pwani ya Ipanema, Rio, Agosti 25. MAURO PIMENTEL / AFP

Kufuatia shinikizo la kimataifa, Brazili imetuma jeshi lake kukabiliana na moto, ambao umeendelea kushika kasi na kuathiri maeneo kadhaa ya nchi hiyo. Kwa mujibu wa vyanzo kadhaa nchini Brazili, uamuzi huo umechukuliwa kwa dharura.

Maandamano yalifanyika katika miji kadhaa ya Brazil kwa minajili ya kuimarisha ulinzi katika msitu wa Amazon na dhidi ya Rais Jair Bolsonaro ambaye alikuwa hajachukuwa hatua zozote kwa kukabiliana na moto huo. Lakini mabishano ya kidiplomasia kati ya Ufaransa na Brazil yanazidi kuongezeka. Ubalozi wa Ufaransa mjini Brasilia hata hivyo umelengwa.

Maandamano kwa niaba ya msitu wa Amazon yamekusanya maelfu ya watu katika miji kadhaa mikubwa ya nchi hiyo kama Rio, kwa uungwaji mkono wa viongozi kadhaa, wasanii na wanasiasa wa mrengo wa kushoto. Maandamano ya kukemea kushindwa kwa rais Jair Bolsonaro kukabiliana na moto huo.

Hivi karibuni Rais wa Ufaransa, Emmanuel Macron amesema kuwa idadi ya maafa ya moto katika msitu wa Amazon ni janga la kimataifa ambalo linapaswa kujadiliwa katika mkutano wa nchi zenye nguvu kiuchumi maarufu kama G7.

Rais wa Brazil Jair Bolsonaro alijibu maneno hayo ya Macron akidai kuwa anatumia janga hilo kisiasa.

Ameongeza kuwa kujadili janga la moto katika mkutano wa G7 na Brazil haipo ni kama kuleta ukoloni.

Amazon ni Msitu mkubwa zaidi Duniani, ambao unasaidia kupunguza kasi ya ongezeko la joto.

Takribani asilimia 20 ya hewa safi duniani kote huzalishwa kutoka kwenye msitu huo.

Makundi ya wana mazingira wameitisha maandamano katika miji mbalimbali nchini Brazil siku ya ijumaa kutaka hatua zichukuliwe kuzuia moto huo.

Msitu wa Amazon ni msitu mkubwa uliopo katika bonde la tropiki la Mto Amazon.

Una eneo la takribani kilomita za mraba milioni saba, ambazo kati yake tano na nusu zimefunikwa na msitu wa mvua.

Msitu huo unajumuisha mataifa tisa: uko ndani ya Brazil kwa asilimia 60, ikifuatiwa na Peru asilimia 13, na Colombia asilimia 10, halafu Venezuela, Ecuador, Bolivia, Guyana, Suriname na Guyana ya Kifaransa kwa kiasi kidogo.

Kuhusu mada hiyo hiyo
 
Samahani, mwunganisho na sava umeshindikana