Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 27/05 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 27/05 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 26/05 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Amerika

Washington kutangaza uamuzi wake kuhusu mpango wa nyukilia wa Iran

media Rais wa Marekani Donald Trump, Mei 7, 2018 katika ikulu ya White House. REUTERS/Kevin Lamarque

Rais wa Marekani Donald Trump anatarajia kutangaza Jumanne wiki hii uamuzi wake kuhusu mpango wa nyuklia wa Iran. Rais Trump ameandika kwenye ukurasa wake wa Twitter kuwa yuko tayari kuchukua uamuzi Jumanne wiki hii.

Licha ya wito kutoka jumuiya ya kimataifa, Ufaransa, Ujerumani na Uingereza, wataalam wanaamini kuwa rais wa Marekani anajiandaa kutangaza kuiondoa Marekani kwenye mkataba wa Vienna, uliyosainiwa mwaka 2015 kati ya kundi "5 1" na Iran.

Wakati wa ziara yake huko Washington mwishoni mwa mwezi Aprili, Emmanuel Macron alijaribu kumshawishi Donald Trump asiiondoi Marekani katika mpango huo. Rais wa Ufaransa aliutaja mkataba huo kuwa ni kamilifu, lakini bila mbadala bora.

Katika ziara yake, Kansela wa Ujerumani Angela Merkel alimmuomba rais wa Marekani kutochukua hatua ya kujiondoa kwenye mkataba wa Vienna. Hatimaye, Jumatatu wiki hii hii, ilikuwa zamu ya Boris Johnson, Waziri wa Mambo ya Nje wa Uingereza, kumuomba rais wa Marekani kutochukua hatua hiyo.

Pamoja na wito huu kutoka London, Berlin na Paris, wanadiplomasia na wataalam wanaamini kwamba Donald Trump anajiandaa kutangaza kujiondoa kwenye makubaliano kuhusu mpango wa nyuklia wa Irani yaliyosainiwa mjini Vienna mwaka 2015 baada ya miaka kumi na mbili ya mazungumzo na wanachama wa kudumu wa Baraza la Usalama la Umoja wa Mataifa .

Makubaliano hayo yanaondoa vikwazo dhidi ya Iran kwa kubadilishana na ahadi kuhusu mpango wake wa nyuklia. Donald Trump mara kwa mara amekua akirejelea kauli yake hiyo ya kujiondoa kwenye mkataba huo. Anaoona mpango huo wa hatua za pamoja kuwa ni "mbaya." Anaona kuwa mpango huo ni "mbaya zaidi" kuwahi kujadiliwa na Marekani.

Robert Malley, afisa wa marekani aliyeiwakilisha nchi hiyo katika mazungumzo kuhusu mpango wa nyuklia wa Iran wakati wa utawala wa Barack Obama, anasema kujiondoa kwa Marekani kwenye mkataba huo, kuna hatari ya kuongezeka kwa mvutano kati ya Marekani na Iran, kuna uwezekano wa Iran kujejelea mpango wake wa nyuklia na uwezekano wa makabiliano ya kijeshi kati ya nchi hizi mbili.

"Madhara makubwa, yatajitokeza katika siku, wiki na miezi, na pengine miaka ijayo na kuongezeka kwa mvutano kati ya Marekani na Iran, " amesema Robert Malley, mkurugenzi wa shirika la International Crisis Group na mshauri wa zamani wa Barack Obama kuhusu Ghuba ya Uajemi.

Kuhusu mada hiyo hiyo
 
Samahani, mwunganisho na sava umeshindikana