Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 19/07 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 19/07 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 18/07 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Amerika

Urusi yawafukuza wanadiplomasia 60 wa Marekani

media Waziri wa mambo ya kigeni wa Urusi, Sergei Lavrovn wakati akitangaza kufukuzwa kwa wanadiplomasia 60 w Marekani. 29 Machi 2018. REUTERS/Sergei Karpukhin

Nchi ya Urusi, nayo imetangaza kuwafurusha mamia ya wanadiplomasia wa Marekani na kuagiza kufungwa kwa ofisi za ubalozi mjini Saint Petersburg katika kile kinachoonekana ni kujibu mapigo kutokana na hatua zilizochukuliwa na nchi za Magharibi kuitenga Serikali ya Moscow kutokana na tuhuma kuwa ilihusika katika shambulio la sumu dhidi ya jasusi wake wa zamani.

Waziri wa mambo ya kigeni wa Urusi Sergei Lavrov amesema nchi yake itawafukuza nchini humo wanadiplomasia 60 wa Marekani na kufunga ofisi za ubalozi wake mjini Saint Petersburg kujibu kitendo cha wanadiplomasia wake kufukuzwa na nchi za Magharibi.

Utawala wa Washington wenyewe umesema kuwa kitendo kilichofanywa na Urusi hakina msingi wowote na kwamba Serikali inafikiria hatua nyingine za kuchukua.

“Ni wazi kutokana na orodha tuliyokabidhiwa kuwa Urusi haiko tayari kwa mazungumzo ya masuala yanazozikabili nchi hizi mbili,” amesema msemaji wa wizara ya mambo ya nje Heather Nauert.

“Nataka niwakumbushe kuwa hakuna maelezo yoyote ya msingi yanayoweza kutolewa na Urusi kuhusu uamuzi wake. Uamuzi wetu ulizingatia kile ambacho kilitokea jijini London.”

Msemaji wa ikulu Sarah Sanders amesema uamuzi wa Urusi kuwafurusha wanadiplomasia wake kunatoa ishara ya kuendelea kuzorota kwa uhusiano wa nchi hizo mbili huku akitetea uamuzi wa nchi yake na ule wa mataifa ya magharibi.

Waziri Lavrov amesema kuwa balozi wa Marekani nchini Urusi Jon Huntsman ameshapewa taarifa kuhusu hili na kwamba kama ilivyokuwa kwa idadi ya wanadiplomasia wa Urusi waliofukuzwa ndivyo itakuwa kwa wanadiplomasia wake.

Kuhusu mada hiyo hiyo
 
Samahani, mwunganisho na sava umeshindikana