Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 15/10 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 15/10 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 14/10 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Amerika

Marekani yatangaza vikwazo vya kibiashara dhidi ya China

media Rais wa Marekani Donald Trump akionesha hati aliyotia saini kuidhinisha vikwazo dhidi China. 22 Machi 2018. REUTERS/Jonathan Ernst

Nchi ya China Ijumaa hii imeionya Marekani kuwa haiogopi vita vya kibiashara wakati huu ikitishia kutoza kodi ya zaidi ya dola bilioni 3 kwa bidhaa kutoka nchini Marekani katika kile kinachoonekana kujibu tangazo la rais Donald Trump kutoza kodi dhidi ya bidhaa kutoka China.

Utawala wa Beijing umetoa orodha ya bidhaa ambazo zitalengwa na kuongezewa ushuru wa hadi kufikia asilimia 25 kuanzia kwenye matunda hadi kwa nyama ya nguruwe licha ya kuwa imeshindwa kuchukua hatua zaidi na kuonesha nia ya kuwa na mazungumzo.

Hatua za hivi karibuni zimeshuhudia masoko ya hisa yakiporomoka wakati huu Marekani, ambayo inaituhumu Uchina kwa wizi wa haki miliki pamoja na hatua nyingine ambazo sio za haki dhidi ya makampuni yake, huenda ikachochea vita ya kibiashara.

"China haitaki kupigana vita ya kibiashara, lakini haiogopi kabisa vita hiyo," imesema taarifa ya wizara ya biashara ya China.

Mapema rais Donald Trump alitia saini amri ambayo itaweka ukomo kwa uwekezaji wa makampuni ya Uchina nchini humo.

"Tuna tatizo kubwa la wizi wa haki miliki linaloendelea kwa sasa," amesema rais Trump wakati akitia saini agizo hilo ambalo litajumuisha bidhaa ambazo zitatozwa ushuru wa hadi kufikia asilimia 25.

Hatua ya Trump haijachukua mara moja hatua za kuweka ushuru mpya, lakini ndani ya majuma mawili waziri wa biashara wa Marekani anatarajiwa kutangaza bidhaa zilizolengwa kwenye amri hiyo ya rais Trump.

Wakati huu rais Trump akionekana kutafuta ugomvi na mataifa yenye nguvu, utawala wa Beijing umeonya kuwa vita vya kibiashara havitamnufaisha yeyote na haitakaa kimya kuona Marekani ikitoa adhabu kwa biashara zake.

Waziri wa viwanda Wilbur Ross alisema Alhamisi ya wiki hii kuwa hatua za kulinda haki zake miliki ililenga kuifanya China ije kwenye meza ya mazungumzo na kujadiliana kutafuta njia za kudhibiti wizi huo.

Kuhusu mada hiyo hiyo
 
Samahani, mwunganisho na sava umeshindikana