Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 15/12 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 15/12 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 15/12 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Amerika

Majivu ya mwili wa Fidel Castro kuzikwa Desemba 4

media Fidel Castro akiwa na kaka yake Raul Castro wakati huo akiwa Waziri wa Ulinzi, mwezi Desemba 2003, katika kikao cha Bunge la Cuba.. ADALBERTO ROQUE / AFP

Baada ya kifo cha Fidel Castro, mwanamapinduzi wa Cuba na kiongozi wa zamani wa nchi hiyo, Jumamosi Novemba 26, serikali ya Cuba imetangaza maombolezo ya kitaifa ya siku tisa kuanzia Jumamosi baada ya kutangazwa kifo chake. Majivu ya mwili wa mwanamapinduzi huyo wa Cuba yatazikwa Desemba 4, 2016.

Fidel Castro, anayejulikana kwa siasa zake za kimapinduzi, aliyetawala taifa hilo kwa miongo kadhaa na ambaye alifariki mapema Jumamosi asubuhi akiwa na umri wa miaka 90.

Mwili wake, utachomwa hadi kuwa majivu kama alivyotaka mwenyewe, wakati sherehe ya kibinafsi. Inaarifiwa kuwa majivu yake yatazungushwa katika msafara maalumu kote nchini kabla ya kuzikwa katika Makaburi ya Mji wa Santiago Desemba 4.

Fidel Castro alizaliwa Agost 13, 1926 ambapo aliwahi kuwa mwanasiasa wa Cuba, mwanamapinduzi wa Kuba, Waziri Mkuu wa Cuba kati ya mwaka 1959 hadi mwaka 1976 na alikuwa Rais wa Cuba huru kati ya mwaka 1976 na 2008.

Akiwa mwanasiasa wa Cuba Fidel Castro alikuwa akifuata misimamo mbalimbali ya siasa za ulimwenguni hasa ule wa Marxist na Lenini na baadaye msimamo wa kimapinduzi wa Cuba.

Fidel Casto aliweza kufanya kazi kama katibu wa kwanza wa chama cha Kimkomunisti cha Cuba kati ya mwaka 1961 na 2011. Chini ya utawala wake ambao ulikuwa wa chama kimoja, Castro aliweza kusimamia misimamo yake kimataifa.

Fidel Castro aliweza kuwa katibu mkuu wa umoja usiofungamana na upande wowote ule kati ya mwaka 1979 na 1983 na mwaka 2006 na 2008.

Fidel Castro alikuwa akiamini katika kufanya mapinduzi ya mtutu wa bunduki iwe kwa Latino Amerika, Asia na Afrika. “Kuhoji juu ya mapambano ya silaha kuwa ndiyo njia pekee ya ukombozi ninaweza kujibu kuwa ndani ya hoja hii taifa letu hatuna budi. Katika raia wengi wa Cuba na mataifa mengi ya latino Amerika, hakuna njia nyingine ya kujikomboa zaidi ya matumizi ya mtutu. Hii inaonekana kuyafaa ata kwa mataifa mengine ya Asia na Afrika, “ alisema Fidel Castro.

“Kila mara mabeberu wanatumia kila namna wakiyaunganisha majeshi yao kwa kila taifa kuzuia demokrasia ya mapinduzi. Wanawanyonga watu kwa vitanzi, vitanzi hivi vinaweza kukatwa kwa kutumia mapambano ya silaha tu. Wanamapinduzi hawatumii silaha kama njia sahihi ya kujikomboa bali, hii ni njia inayoeleweka kwa haraka na wakandamizaji,” aliongeza Fidel Castro.

Kuhusu mada hiyo hiyo
 
Samahani, mwunganisho na sava umeshindikana