Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 25/02 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 25/02 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 24/02 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Rais wa DRC Felix Tshisekedi atishia kuwafuta kazi Mawaziri

media Rais wa Jamhuri ya Kidemokrasia ya Congo Felix Tshisekedi Sumy Sadurni / AFP

Rais wa Jamhuri ya Kidemokrasia ya Congo Félix Tshisekedi ametishia kuwafuta kazi Mawaziri wake na hata kulivunja bunge, iwapo washirika wake wa kisiasa ambao wanaegemea katika mrengo wa rais wa zamani Joseph Kabila, wataendelea kumdharau.

Tshisekedi amesema kuna baadhi ya Mawaziri ambao wamekuwa wakimwambia kuwa, wanapata shinikizo, na kusisitiza kuwa, hana nia ya kulivunja bunge lakini, iwapo mzozo utazuka, atalazimika kufanya hivyo.

“Ninayoyasema ndio ambayo yatafanyika, na ambayo nimedhamiria kufanya ndio yatakayotekelezwa, sababu raia wa Jamhuri ya Kidemokrasia ya Congo wamenipa jukumu la kuwaongoza na bila shaka wataniuliza nini nimewafanyia kwa muda wa miaka mitano, ” alisema.

“Wamenipa taabu sana wanasubiri nishindwe kutimiza kazi yangu, wananisukuma kufanya mambo ambayo sijapanga kufanya, kama ni kuvunja bunge naweza kulivunja, na kama itabidi nifikie hatua hiyo sitachelewa kufanya hivyo,” aliongeza.

Katika hatua nyingine, Tshisekedi ametupilia mbali madai ya kuwepo mpango wa kuigawa nchi hiyo, akisema mazungumzo hayo hayana msingi na ni mbinu za kutaka kuchelewesha ajenda ya maendeleo kwa taifa hilo.

Aidha, amesema anashangazwa na namna ambavyo baadhi ya watu wanataka kulikuza suala la kuigawa vipande nchi hiyo, kiongozi huyo akisisitiza kuwa hakuna atakayejaribu kufanya hivyo.

Matamshi yake yamekuja baada ya majuma kadhaa yaliyopita baadhi ya wanasiasa kuzituhumu nchi za ukanda na baadhi ya wanasiasa wa DRC kutaka kuligawa vipande eneo la mashariki mwa DRC.

Rais Tshisekedi ambaye amekuwa madarakani kwa zaidi ya mwaka mmoja sasa, aliingia katika maelewano na chama cha zamani wa rais Kabila cha PPRD, kushirikiana naye katika serikali yake, baada ya Uchaguzi Mkuu wa mwaka 2018.

Kuhusu mada hiyo hiyo
 
Samahani, mwunganisho na sava umeshindikana