Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 25/02 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 25/02 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 24/02 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Spika wa bunge la Libya aomba msaada kutoka nchi za Kiarabu

media Spika wa Bunge la Libya, Aguila Saleh, Bengaz, Aprili 13, 2019. © Abdullah DOMA / AFP

Baada ya kushindikana kwa mazungumzo jijini Moscow, nchini Urusi, Ujerumani inatarajia kuwa mwenyeji wa mkutano wa kimataifa Januari 19 ili pande husika zisitishe mapigano nchini Libya na kuzindua tena mchakato huo.

Wakati huo huo, mvutano unaendelea kushuhudiwa katika mji mkuu wa Libya Tripoli.

Hata hivyo hali ya utulivu inaendelea kutawala jijini Tripoli. Kila upande unajaribu kushikilia msimamo wake. Licha ya ukiukaji katika makubaliano ya kusitisha mapigano, hali bado ni tete nchini Libya.

Ili kuendelea kushikilia msimamo wake, kambi ya Khalifa Haftar imeongeza vikosi vyake katika maneo inayoshikilia, wakati vikosi vya Fayez el-Sarraj vinaendelea kutegemea msaada wa mamluki kutoka Syria, waliotumwa na Uturuki kusaidia serikali ya Tripoli. Wapiganaji elfu mbili kutoka Syria waliwasili jijini Tripoli katika wiki za hivi karibuni, kwa mujibu wa gazeti la kila siku la Uingereza, The Guardian.

Wakati huo huo Spika wa Bunge la Libya, Aguila Saleh, Jumatano asubuhi wiki hii, alikuwa ziarani Cairo. Mbele ya Bunge la jumuiya ya nchi za Kiarabu, alithibitisha kwamba vikosi vinavyoongozwa na Marshal Khalifa Haftar, vitaendeleza na harakati zao na hivi karibuni vitaingia Tripoli ili kuikomboa kutoka mikononi mwa wanamgambo.

Aguila Saleh pia ametoa wito kwa nchi za Kiarabu kutotambua tena serikali ya umoja wa kitaifa ya Tripoli inayoongozwa na Fayez el-Sarraj.

Spika wa Bunge la Libya pia alitoa wito kwa nchi za Kiarabu kuingilia kati ili kukabiliana na Uturuki ambayo imeingilia kijeshi nchini Libya.

Aguila Saleh amebaini kwamba mikataba miwili iliyotiliwa saini kati ya Ankara na serikali ya Fayez el-Sarraj ni kinyume cha sheria, kwani hawajapata idhini ya Bunge.

Katika taarifa, Bunge la jumuiya ya nchi za Kiarabu limelaani uamuzi wa Uturuki wa kupeleka vikosi nchini Libya.

Kuhusu mada hiyo hiyo
 
Samahani, mwunganisho na sava umeshindikana