Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 19/10 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 18/10 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 18/10 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Mvutano kuhusu mahala atakapozikwa Mugabe waendelea Zimbabwe

media Raia wa Zimbabwe wanatoa heshima zao za mwisho kwa kiongozi huyo wa zamani wa Zimbabwe. REUTERS/Philimon Bulawayo

Siku moja baada ya familia ya rais wa zamani wa Zimbabwe Robert Gabriel Mugabe kutangaza kwamba kiongozi wao atazikwa mwanzoni mwa wiki ijayo kijiji kwake Kutama, serikali imesema kiongozi huyo wa zamani atazikwa kwenye makaburi ya kitaifa ya mashujaa jijini Harare.

Mugabe alifariki akiwa na umri wa miaka 95 na mwili wake uliwasili Jumatano wiki hii nchini Zimbabwe kutokea Singapore.

Familia ya rais huyo wa zamani Robert Mugabe imesema atazikwa mwanzoni mwa wiki ijayo nyumbani kwake Kutama, kaskazini-magharibi mwa mji wa Harare na sio kwenye makaburi ya kitaifa ya mashujaa wa ukombozi.

Kwa wakati huu raia wa Zimbabwe wanatoa heshima zao za mwisho kwa kiongozi huyo wa zamani wa Zimbabwe. Rais Emmerson Mnangagwa na maafisa wengine wa serikali walifika nyumbani kwa rais huyo jana Alhamisi.

Mwili wa Mugabwe unaendelea kuonyeshwa kwenye maeneo mbalimbali ya kihistoria tangu Ahamidi wiki hii.

Mugabe aliitawala Zimbabwe kuanzia uhuru mwaka 1980 hadi alipopunduliwa mwaka 2017.

Wakati wa utawala wake wa miaka 37, Zimbabwe iliporomoka kutoka taifa lililostawi hadi mgogoro wa kiuchumi.

Viongozi 10 kutoka Afrika wanatarajiwa kuhudhuria shughuli ya maziko ya Robert Gabriel Mugabe. Taarifa hii imetolewa na msemaji wa serikali Alhamisi wiki hii.

Mwili wa kiongozi huyo wa vita vya msituni alieongoza mapambano ya kukomesha utawala wa wazungu wachache katika nchi hiyo iliyokuwa inaitwa Rhodesia, ulirudishwa Zimbabwe Jumatano ukitokea Singapore alikofariki.

Miongoni mwa viongozi wa Afrika waliothibitisha kushiriki katika shughuli hiyo ni pamoja na rais wa Afrika Kusini Cyril Ramaphosa,Uhuru Kenyatta wa Kenya,na Filipe Nyusi wa Msumbiji. Marais wastaafu watakaoshiriki ni pamoja na Jacob Zuma wa Afrika Kusini,Kenneth Kaunda wa Zambia na Sam Nujoma wa Namibia.

Serikali ya Zimbabwe imesema Mugabe atazikwa Jumapili katika makaburi ya mashujaa wa kitaifa mjini Harare lakini familia ya kiongozi huyo wa zamani inataka kumzika karibu na kaburi la mamayake kama alivyotaka mwenyewe,katika kijiji cha Kutama,kiasi kilomita 85 kutoka mji mkuu Harare. Msemaji wa familia ya Mugabe pia amesema maziko yatafanyika wiki ijayo jumatatu au Jumanne.

Kuhusu mada hiyo hiyo
 
Samahani, mwunganisho na sava umeshindikana