Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 15/11 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 15/11 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 15/11 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Guterres atoa wito kwa MONUSCO na jeshi la DRC kudumisha ushirikiano

media Katibu Mkuu wa Umoja wa Mataifa Antonio Guterres akiwasili Beni, mashariki mwa DRC, Septemba1, 2019. ALEXIS HUGUET / AFP

Katibu Mkuu wa Umoja wa Mataifa Antonio Guteress ametembelea mjini Beni Mashariki mwa DRC na kuahidi kuwa Umoja wa Mataifa kupitia jeshi la kulinda amani, litaendelea kulisaidia jeshi la nchi hiyo, kupambana na makundi ya waasi.

Guteress ametoa kauli hii, ikiwa ni siku yake ya pili akiwa nchini DRC, baada ya kuwasili nchini humo siku ya Jumamosi kwenda kujionea jitihada zinazofanyika kupambana na ugonjwa hatari wa Ebola lakini pia vita dhidi ya waasi.

Mkuu huyo wa Umoja wa Mataifa amesema jeshi la MONUSCO litaendelea kushirikiana na maafisa wa usalama nchini humo jeshi na polisi, kuhakikisha kuwa usalama na amani zinarejea katika Wilaya ya Beni.

Wilaya ya Beni, imeendelea kusumbuliwa na waasi, hasa wa ADF Nalu ambao mara kwa mara wameendelea kuwashambulia raia wasiokuwa na hatia.

Mashambulizi ya waasi hayo pia yameelezwa kurudisha nyuma, juhudi za kupambana na Ebola, kutokana na visa vya kuvamiwa kwa maafisa wa afya wanaotoa huduma muhimu kwa walioathiriwa.

Mbali na suala la usalama, Guteress pia amesema Umoja wa Mataifa unaendelea kupambana kuhakikisha kuwa Ebola inakomeshwa.

Tangu mwezi Agosti mwaka 2018, Ebola imesababisha vifo vya watu zaidi ya 2,000 na wengine zaidi ya elfu tatu wakiambukizwa, huku eneo lililoathiriwa zaidi likiwa ni Beni.

Kuhusu mada hiyo hiyo
 
Samahani, mwunganisho na sava umeshindikana