Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 21/09 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 21/09 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 21/09 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Sudani: Kesi ya rushwa inayomkabili Omar al-Bashir kufunguliwa Agosti 17

media Aliye kuwa rais wa Sudan Omar al-Bashir wakati wa mahojiano na televisheni ya taifa Februari 3, 2012. REUTERS/Stringer

Kesi ya rushwa inayomkabili aliyekuwa rais wa Sudan Omar al-Bashir, aliyetimuliwa mamlakani mwaka huu itafunguliwa Agosti 17. Omar al-Bashir anayeshtakiwa kwa ufisadi hakuwasili mahakamani leo Jumatano, kesi ambayo ingesikilizwa kwa mara ya kwanza, amesema mmoja wa mawakili wake.

"Leo ilikuwa kesi ya mteja wetu ingesikilizwa kwa kwanza, lakini viongozi hawakuweza kumleta kwa sababu za kiusalama, kwa hivyo jaji ametuarifu kwamba kesi hiyo itasikiloizwa Agosti 17 ", Wakili Hicham al-Gaaly ameliambia shirika la Habari al AFP.

Kwa upande wa Ahmed Ibrahim al-Tahir, wakili wake mwengine, amesma kesi hiyo haina "sio ya kisiasa"."Ni kesi ya jinai na tuhuma zinazomkabili hazina msingi," amesema.

Mnamo Juni 16, mwendesha mashtaka alisoma mashtaka dhidi ya rais huyo wa zamani, wakati aliponekana hadharani kwa mara ya kwanza tangu kutimuliwa mamlakani na jeshi Aprili 11.

Tangu wakati huo Bashir anashikiliwa mahabusu na anashtumiwa "kumiliki katika njia haramu fedha za kigeni", "kupata utajiri kwa njia haramu", kwa mujibu wa ofisi ya mwendesha mashtaka.

Kwa mujibu wa Tahir, moja ya mashtaka yanahusu jumla ya Euro milioni saba zilizotolewa "na wafadhili, ambazo hazikujumuishwa kwenye bajeti ya serikali."

Mwishoni mwa mwezi Aprili, mkuu wa Baraza la Kijeshi la Mpito, Jenerali Abdel Fattah al-Burhane, alidai kwamba Dola sawa na zaidi ya milioni 113 taslimu zilikamatwa katika makazi ya Omar al-Bashir jijini Khartoum.

Alisema polisi, jeshi na maafisa wa usalama walipata Euro milioni saba, dola milioni 350,000 na Pauni za Sudani milioni tano (sawa na Euro milioni 93) wakati wa msako huo.

Bw Bashir aliingia madarakati kupitia mapinduzi ya kijeshi mnamo mwaka 1989, alitimuliwa na kukamatwa na jeshi Aprili 11 jijini Khartoum, chini ya shinikizo la maandamano ya kipekee yaliyozuka mwezi Desemba kufuatia kuongezwa mara dufu kwa bei ya mkate.

Kuhusu mada hiyo hiyo
 
Samahani, mwunganisho na sava umeshindikana