Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 19/09 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 19/09 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 18/09 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Mzozo wa Sudan: Mazungumzo ya mwisho kuanza Jumanne

media Umati wa waandamanaji wakimiminika katika mitaa ya Khartoum, 5udan Julai 2019. REUTERS/Mohamed Nureldin Abdallah

Mazungumzo ya kutafutia ufumbuzi masuala yaliyobaki kati ya viongozi wa waandamanaji na utawala wa kijeshi nchini Sudan yanatarajiwa Jumanne wiki hii.

Baraza la kijeshi na viongozi wa maandamano tayari wamesaini makubaliano ya kugawana madaraka ambayo yanalenga kuunda baraza tawala la pamoja la kijeshi na kiraia ambalo kisha litapisha utawala wa kiraia

Mazungumzo hayo yatahusu masuala kama vile mamlaka ya baraza tawala liitakaloundwa, kutumika kwa vikosi vya usalama na kinga ya majenerali kutokana na machafuko yanayohusiana na maandamano.

Pande zote mbili zimealikwa kushiriki mazungumzo ya mwisho kuhusu tamko la kikatiba, mpatanishi wa Umoja wa Afrika, Mohamed El Hacen Lebatt, amesema katika taarifa.

Hayo yanajiri wakati waandamanaji kadhaa wakimiminika mitaani mjini Khartoum kuitisha uchuguzi huru kuhusiana na ukandamizaji mkubwa uliofanywa dhidi ya kambi ya maandamano mwezi Juni.

Mapema wiki iliyopita viongozi wa maandamano nchini Sudan na washirika wao wa upande wa makundi ya waasi walifikia makubaliano ya kumaliza tofauti kuhusu makubaliano ya kugawana madaraka na watawala wa kijeshi nchini Sudan.

Mnamo Julai 17 chombo kinachowakilisha vuguvugu la maandamano nchini Sudan kilitia saini makubaliano ya kugawana madaraka na watawala wa kijeshi ambayo yanaweka utaratibu wa kuundwa utawala wa mpito wa kiraia kufuatia kuondolewa madarakani kwa kiongozi wa muda mrefu Omar al-Bashir.

Lakini makundi matatu ya wapaganaji wenye silaha ambao ni sehemu ya vuguvugu la maandamano nchini humo yalipinga makubaliano hayo yakisema yameshindwa kutoa majibu kuhusu mizozo inayoendelea katika majimbo ya Darfur, Kordofan Kusini na Blue Nile.

Kutokana na tofauti hizo kundi la viongozi wa maandamano lilisafiri hadi mji mkuu wa Ethiopia, Addis Ababa, kwa mazungumzo na makundi ya waasi na baada ya siku kadhaa za majadiliano makali walifikia makubaliano ambayo yalitangazwa siku ya Alhamisi wiki iliyopita.

Kuhusu mada hiyo hiyo
 
Samahani, mwunganisho na sava umeshindikana