Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 24/08 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 24/08 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 23/08 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

DRC: Baada ya kesi ya Ebola Goma, WHO yaitisha kamati yake ya dharura

media Wajumbe wakishiriki mkutano wa WHO kuhusu Ebola DRC, Julai 15, 2019 Geneva. © FABRICE COFFRINI / AFP

Virusi vya Ebola nchini Jamhuri ya Kidemokrasia ya Congo (DRC), bado ni vigumu kudhibiti. Kwa mujibu wa Mkuu wa shirika la Afya Duniani (WHO), mtu mmoja kupatikana na virusi vya Ebola katika mji wa Goma, hali hiyo inaweza "kubadili maisha ya wakaazi wa mji huo."

Goma ni mji wenye watu milioni moja, pamoja na muingiliano wa watu kutoka miji mingine ya nchi hiyo na nchi jirani ya Rwanda. Kamati ya dharura ya shirika la Afya Duniani (WHO) inatarajiwa kukutana tena katika siku zijazo kuamua kama Ebola imekuwa tishio la kimataifa.

Kuuawa kwa watu wawili miongoni mwa maafisa wanaopambana dhidi ya ugonjwa wa Ebola katika mkowa wa Kivu Kaskazini na kupatikana kwa mtu mwenye virusi vya Ebola katika mji wa Goma, kumezua sintofahamu kwenye ajenda ya mkutano wa shirika la Afya Duniani uliofanyika Jumatatu, Julai 15, kwenye makao makuu ya Umoja wa Mataifa. Ikiwa ugonjwa huo umefika Goma, unaweza pia kufika katika mji mkuu Kinshasa.

Waziri wa Afya wa DRC, Oly Ilunga amewahakikishia wananchi wake. Amebaini kwamba hakuna hatari ya kusambaa kwa ugonjwa wa Ebola kwa kiwango kikubwa tangu kuonekana kwa virusi vya ugonjwa huo.

Kwa mujibu wa wizara ya afya ya DRC, mtu huyo ambaye ni Mchungaji alisafiri umbali wa kilomita zaidi ya 200 kutoka Butembo hadi Goma kwa basi, na inasadikiwa kuwa alikuwa amekutana na watu wenye ugonjwa Ebola.

Ebola huwaathiri binaadamu kupitia mgusano na wanyama walioathirika kama tumbili, na popo wa msituni.

Watu huambukizwa kwa njia ya kugusana, njia ya mdomo na pua, pia kwa njia ya damu, matapishi, kinyesi, majimaji ya kwenye mwili wa mtu mwenye Ebola.

Ebola ni ugonjwa unaoambukizwa na virusi ambapo aliyepata maambukizi hupata dalili za homa, uchovu, maumivu ya viungo na koo.

Kuhusu mada hiyo hiyo
 
Samahani, mwunganisho na sava umeshindikana