Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 16/09 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 15/09 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 15/09 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Umoja wa Afrika waifungia Sudan, walitaka jeshi kukabidhi madaraka kwa raia

media Mkuu wa Tume ya Umoja wa Afrika Moussa Faki Mahamat African Union on Twitter

Umoja wa Afrika umeifungia Sudan kuwa mwanachama wa umoja huo, na kulitaka uongozi wa kijeshi kukabidhi madaraka kwa raia, baada ya maafisa wa usalama kuwauwa raia 100 wiki hii.

Hatua hii imechukuliwa baada ya kikao cha Baraza la amani na usalama cha Umoja huo, tangazo ambalo limetangazwa kupitia ukurasa wake wa Twitter na hii inamaanisha kuwa Sudan sio mwanachama wa Umoja huo.

Baraza hilo linasema njia pekee ya kuirejesha Sudan kuwa mwanachama wa umoja huo wenye nchi 55, ni kuwa na serikali ya kiraia.

Umoja wa Afrika sasa unataka jeshi kuhakikisha kuwa inakabidhi madaraka kwa amani, haraka iwezekanavyo.

Hali ilivyo jijini Khartoum Juni 04 2019 REUTERS/Stringer

Wakati hayo yakijiri, Wizara ya afya nchini Sudan inasema watu walipoteza maisha kutokana na makabiliano kati ya waandamanaji na maafisa wa usalama wiki hii jijini Khartoum, hawazidi 46.

Naibu Waziri wa afya Suleiman Abdul Jabbar, amekanusha ripoti ambazo zimekuwa zikitolewa na Madaktari na wanaharakati kuwa, watu waliopoteza maisha ni zaidi ya 100.

Pamoja na hayo, viongozi wa waandamanaji nchini Sudan wamekataa wito wa mazungumzo uliotolewa na watawala wa kijeshi, wakitaka haki ipatikane dhidi ya wanajeshi waliohusika na mauaji ya raia.

Wito wa jeshi unakuja ikiwa siku nne zimepita tangu litangaze kusitisha mazungumzo na waandamanaji pamoja na kufuta makubaliano yote yaliyokuwa yamefikiwa katika mazungumzo ya awali.

Hali ya machafuko jijini Khartoum nchini Sudan ASHRAF SHAZLY / AFP

Jumatatu ya wiki hii, vyombo vya usalama nchini humo vilitumia nguvu kubwa kuwaondoa maelfu ya raia waliokuwa wamepiga kambi nje ya makao makuu ya jeshi, ambapo watu zaidi ya 100 wameuawa na wengine mamia kujeruhiwa.

Wapiganaji wa waasi kutoka kundi la Janjaweed wanatuhumiwa kuhusika katika utekelezaji wa vitendo vya unyanyasaji wa raia ikiwemo kuwatesa, kuwaua na kuwabaka wanawake kadhaa.

Msemaji wa Baraza la wasomi ambalo linaongoza maandamano hayo, Amjad Farid amesema wananchi hawako tayari kwa mazungumzo na wanajeshi kwa kile alichosema hawaamini huku akitaka kwanza waliohusika na mauaji pamoja na unyanyasaji wa raia wakamatwe.

Kiongozi wa kijeshi nchini Sudan Abdel Fattah al-Burhan Abdulrahman AFP

Hali hiyo imeendelea kusababisha kutanda kwa hali ya wasiwasi nchini humo, wakati huu jeshi likiwa limetangaza kuwa Uchaguzi nchini humo utafanyika baada ya miezi tisa, lakini waandamanaji wamekataa hilo.

Mataifa ya Magharibi yakiongozwa na Marekani yamelaani hatua ya uongozi wa kijeshi kuamua kutumia nguvu dhidi ya waandamanaji.

Kuhusu mada hiyo hiyo
 
Samahani, mwunganisho na sava umeshindikana