Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 18/07 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 18/07 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 17/07 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Chad: Askari saba wauawa katika shambulizi la Boko Haram

media Maeneo yaliyo pembezoni mwa ziwa Chad yameendelea kulengwa na mashambulizi ya Boko Haram, kama kijiji hiki cha Ngouboua, mwezi Aprili mwaka 2015. AFP PHOTO / PHILIPPE DESMAZES

Jeshi la Chad limepoteza askari wake saba na wengine kumi na tano kujeruhiwa katika shambulio la kundi la Boko Haram lililotokea katika Jimbo la Ziwa Chad.

Mapigano kati ya jeshi la Chad na wanamgambo wa Kiislamu yamekuwa yamesitishwa kwa wiki tatu katika eneo hilo, baada ya wapiganaji hao kuanzisha mapigano kwa miezi kadhaa sasa.

Kituo cha jeshi cha Bohama karibu na mji wa Kaïga Kindjiria kwenye pwani ya kaskazini mwa Ziwa Tchad kimeshambuliwa usiku wa manane Jumatatu wiki hii. Washambuliaji, ikiwa ni pamoja na wale wa kujitoa muhanga, waliua askari saba wa Chad na kujeruhi wengine kumi na tano.

Waasi wengi wauawa

Washambuliaji sitini na watatu wameuawa kwa mujibu wa uongozi wa jeshi la Chad ambalo limebaini kwamba operesheni ya kuwatokomeza inaendelea. Mkuu wa majeshi, Jenerali Taher Erda, amekwenda eneo la tukio kwa helikopta mapema Jumatatu hii asubuhi.

Shambulizi hili, ambalo linatokea baada ya wiki tatu za utulivu, limeua idadi ndogo ya askari ikilinganishwa na lile la Dangdala, mji wa Chad, unaopatikana karibu na Niger. Wakati wa shambulio hilo, askari 20 wa Chad waliuawa na vifaa vya kijeshi kuporwa, hali ambayo ilisababisha baadhi ya wakuu wa jeshi kufutwa kazi.

Kuhusu mada hiyo hiyo
 
Samahani, mwunganisho na sava umeshindikana