Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 22/10 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 22/10 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 22/10 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Ufaransa yazuia tangazo la Umoja wa Ulaya linalomshtumu Haftar

media Magari ya kijeshi ya vikosi vy Misrata, chini ya ulinzi wa majeshi ya Tripoli, yameonekana katika eneo jirani la Tajura, mashariki mwa Tripoli, Libya, Aprili 6, 2019. REUTERS/Hani Amara

Ufaransa imepinga kuchapishwa kwa tangazo la Umoja wa Ulaya linalomtaka Marshal Khalifa Haftar, ambaye majeshi yake yanadhibiti eneo la mashariki mwa Libya, kusitisha mapigano aliyoanzisha kwa minajili ya kuteka mji mkuu Tripoli, vyanzo vya kidiplomasia vimesema.

Kwa mujibu wa Shirika la habari la Reuters, rasimu hiyo ya tangazo, inabaini kwamba mashambulizi ya kijeshi yaliyozinduliwa na majeshi ya Marshal Khalifa Haftar (ANL) dhidi ya mji mkuu Tripoli " yanatishia usalama wa raia, yanahatarisha mchakato wa kisiasa na yanaweza kuzua mvutano na matokeo makubwa mabaya kwa Libya na kanda nzima kwa ujumla, ikiwa ni pamoja na tishio la kigaidi ".

Kwa mujibu wa Umoja wa Mataifa, mapigano kati ya majeshi ya ANL na vikosi vya serikali inayoungwa mkono na jumuiya ya kimataifa (GNA) yamesababisha maelfu ya waakazi wa viunga vya mji mkuu Tripoli kutoroka makaazi yao.

Kutoafikiana kwa rasimu hii ya tangazo inaonyesha tofauti kati ya wanachama wa Umoja wa Ulaya kuhusu suala la Libya.

Jumatano wiki hii rais wa Bunge la Ulaya alilaumu mgawanyiko huo kati ya Ufaransa na Italia licha ya msimamo mmoja ulioonyeshwa na diplomasia ya Ulaya.

Rais wa Bunge la Ulaya, Antonio Tajani, raia wa Italia, alizitaka nchi wanachama wa Umoja wa Ulaya kuzungumza kwa kauli moja dhidi ya kuongezeka kwa machafuko nchini Libya.

Hata hivyo Ufaransa ilipinga rasimu hiyo ya tangazo iliyoandikwa Brussels, kupitia mchakato ambao unaruhusu kila nchi mwanachama wa Umoja wa Ulaya kupinga mapigano hayo.

Ujumbe wa kidiplomasia wa Ufaransa mpaka sasa haujatoa tamko lolote kuhusiana na madai hayo, kwa mujibu wa shirika la habari la Reuters.

Kuhusu mada hiyo hiyo
 
Samahani, mwunganisho na sava umeshindikana