Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 23/04 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 23/04 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 23/04 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Haraka
Kundi la Islamic State (IS) ladai kuhusika na mashambulizi nchini Sri Lanka bila hata hivyo kutoa maelezo zaidi (Amaq)
Afrika

Ramtane Lamamra: Bouteflika atakabidhi madaraka kwa njia ya "uwazi"

media Maandamano dhidi ya uamuzi wa rais Abdelaziz Bouteflika wa kuahirisha uchaguzi na kuongeza muda wa muhula wakewa nne, Algiers Machi 15, 2019. © REUTERS/Zohra Bensemra

Waziri wa Mambo ya Nje wa Algeria Ramtane Lamamra ambaye yuko ziarani nchini Urusi amesema rais Abdelaziz Bouteflika atakabidhi madaraka kwa mrithi wake kwa njia ya "uwazi" baada ya uchaguzi ambao "tarehe itatangazwa hivi karibuni".

"Bouteflika aliamua kujiondoa kwenye kinyang'anyiro cha urais katika uchaguzi huo na yuko tayari kukabidhi madaraka kwa njia ya uwazi kwa rais atakaye chaguliwa kupitia uchaguzi," amesema Ramtane Lamamra baada ya mkutano na mwenzake wa Urusi Sergei Lavrov.

"Uchaguzi wa urais utafanyika katika mazingira mapya: kwa mara ya kwanza katika historia ya nchi, watashiriki katika uchaguzi huo wale wote ambao wanataka," ameomngeza Bw Lamamra, kwa mujibu wa maneno yaliyotafsiriwa kwa Kirusi, na kuongeza kwamba uchaguzi "kwa mara ya kwanza utasimamiwa na tume huru ya uchaguzi".

"Baada ya hapo, upinzani wa Algeria utachukuwa na nafasi ya kuongoza kwa sehemu moja katika shughuli za serikali," Bw Lamamra amesema.

Abdelaziz Bouteflika, mwenye umri wa miaka 82, ambaye yuko madarakani kwa miaka 20 sasa, anakabiliwa na maradhi ya kiharusi ambayo yamemzuiwa tangu mwaka 2013 kuhutubia kwa sauti yake wananchi wa taifa la Algeria. Bouteflika anaendelea kuelemewa na maandamano ya kila siku yaliyoanza wiki kadhaa zilizopita.

Wiki iliyopita alijiondoa kwenye kunyang'anyiro cha kuwania kiti cha urais na kufuta nia yake ya kuwania muhula wa tano, lakini aliamua kuongeza muda wa muhula wake, bila hata hivyo kutarajia na kusogeza mbele uchaguzi wa urais uliotarajiwa kufanyika Aprili 18 mwaka huu.

Sergei Lavrov amesema kuwa "anaunga mkono" mpango wa serikali ya Algeria wa kuondokana na mgogoro huo. "Tuna imani kwamba wanasaidia kutuliza hali katika nchi hii rafiki kwa njia ya mazungumzo ya kitaifa kulingana na katiba," Bw Lavrov ameongeza.

Urusi ni mshirika a Algeria na imekuwa ikiipa msaada wa silaha.

Kuhusu mada hiyo hiyo
 
Samahani, mwunganisho na sava umeshindikana