Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 21/08 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 21/08 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 21/08 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Ouattara: Lazima mtu awajibishwe kwa machafuko ya kisiasa mwaka 2010

media Rais wa Ivory Coast Alassane Ouattara REUTERS/Afolabi Sotunde

Rais wa Ivory Coast Alassane Ouattara amesema haki ni  lazima itendekee kwa waathiriwa wa machafuko ya baada ya Uchaguzi Mkuu mwaka 2010, wakati wa mzozo wa kisiasa kati yake na rais wa zamani Laurent Gbagbo.

Ouattara katika mazungumzo maalum na Radio France International jijini Addis Ababa pembezoni mwa mkutano mkuu wa viongozi wa Umoja wa Afrika,  ametoa kauli hii baada ya Mahakama ya Kimataifa ya ICC kumfutia mashtaka rais wa zamani Laurent Gbagbo.

“Lazima mtu awajibike kwa kusababisha mauaji ya watu 3,000, natumai haki itatendeka, hiki ndicho wanachotaka waathiriwa wa machafuko hayo,” alisema rais Ouattara.

Aidha, amekanusha madai kuwa serikali yake ilishirikiana na upande wa mashtaka katika Mahakama hiyo kumzuia Gbagbo kwa muda mrefu kizuizini,  tangu mwaka 2011.

Badala yake, ameongeza kuwa, serikali yake inaendelea na uchunguzi kubaini waliohusika kuchochea na kufadhili  machafuko hayo na kusababisha maafa.

Mwezi Januari, Mahakama ya ICC limwachilia huru Gbagbo na msaidizi wake Charles Ble Goude baada ya kuwafutia mashtaka ya kuchochea mauaji hayo ya kisiasa.

Licha ya kuachiliwa huru, Gbagbo amezuiwa na Mahakama ya ICC kurejea nyumbani na amekabidhiwa kwa serikali ya Ubelgiji.

Kuelekea Uchaguzi Mkuu mwaka 2020, rais Ouattara hajaweka wazi iwapo atawania tena.

“Iko wazi kuwa naweza kuwania iwapo nataka. Tuna katiba mwaka 2016 na naweza nikiamua, “ amesema raia Ouattara.

Kuhusu mada hiyo hiyo
 
Samahani, mwunganisho na sava umeshindikana